Já OK

Þessir þáttur er aðeins í léttari kanntinum en í honum verður rætt í stóra samhenginu um hlaðvörp. Villi er í fríi en í stað fær Fjölnir til sín gest en það er enginn annar en grínistinn og listamaðurinn Stefán Ingvar. Villi er þó ekki langt í burtu enda búum við á tækniöld.

Kjötið mitt og kjötið þitt, kjötið okkar allra. Í þessum þætti lesa Villi og Fjölnir um ekta íslenskan mat, kjöfarsið, og rannsaka rætur þess, hvaðan kom kjötfarsið, af hverju og er það hollt? Við vitum að það er gott en er ekki bannað að borða kjötfars ef maður er á ketó? Vonum þið fílið þáttinn eins og við fílum kjötfarsbollur og kálböglar.

Múlan, Konungur Ljónana, Looney Toons og...Simpsons. Ísland er mjög duglegt að talsetja erlendar teiknimyndir. En hverjir eru það sem eiga raddirnar á bakvið persónurnar? Og já auðvitað Harry Potter!

Af hverju dettum við stundum í að vilja ákveðinn hlut svona mikið? Er það því við erum lítil þjóð? Er það því við viljum vera eins og nágranninn? Er það því við eigum of mikinn pening sem við þurfum bara að eyða? Fjölnir Gísla og Vilhelm Neto fara í málið, en fyrst, þarf Fjölnir að heyra smásögurnar hans Villa.

Á bolludegi fer ég með bolluvönd á kreik. Mér alltaf þykir gaman að iðka þennan leik. Ég bolla og bolla á bossann á þér fast ég slæ bolla og bolla og bollu í laun ég fæ. Já bragðgóðar eru bollurnar, bollurnar, bollurnar, já bragðgóðar eru bollurnar, húllum hæ. Á sprengidegi er bumban að springa hreint á mér. Því magnið er ei smátt sem í magann á mér fer. Af salkjöti og baunum ég saðningu í magann fæ. Af salkjöti og baunum ég saddur er og hlæ. Já bragðgóðar eru baunirnar, baunirnar, baunirnar já bragðgóðar eru baunirnar, húllum hæ. Á öskudegi fer ég með öskupoka af stað. Og elti menn og konur sem ekkert vita um það. Hengi svo poka á hinn og þennan sem ég næ lauma á poka, læðist burt og hlæ. Svo dingla þeir þarna pokarnir, pokarnir, pokarnir svo dingla þeir þarna pokarnir, húllum hæ.

Í þessum þætti fara Vilhelm í Miðbæ og Fjölnir í Laugardal yfir ævi Sigríðar í Brattholti, sem var í raun og veru, upphaflega "konan sem fór í stríð" að þeirra mati. Gullfossmálið kemur mikið fyrir, og reynir Villi að útskýra fyrir Fjölni, og hlustendur, allt samningabraskið í kringum það. Það er auðvitað mikið grín í þessum þætti, en ekki hvað!

Tveir harkarar mætast í stúdíóið og ræða um verur WaccoDracco vísindamannsins og reyna að útskýra fyrirbærið. Ekki bara það heldur skoða þeir líka hvernig "milk caps", seinna kölluð Pogs tóku yfir heiminn. Simpsons Dracco og Cheetos Pogs, myndir þú segja Pogs eða Pox?

Ég ætla að fá bland í poka fyrir 100kr. Og hvað viltu? Ég vil gulan ópal, frissa fríska, piparpúka og Gosa...þessi með aspartam takk! Eitthvað fleira? Ójá svo miklu miklu meira!

Þátturinn "Já OK!" snýr aftur! Stuttur og laggóður þáttur, strákarnir fara yfir stöðu mála og upplýsa hlustendur um hvað sé í gangi.

Fjölnir og Villi mæta upp í stúdíó með fulla maga en tóma heila. Í þessum þætti verður offramboð af fróðleik, svona eins og í matarboðum í desember þar sem er offramboð af gómsætum réttum. Bertel Thorvaldsen og Edvard Eriksen, myndhöggvarar koma fyrir, því þrátt fyrir að vera Danir, eru þeir líka Íslendingar. Fjallað verður um frídaga sem hafa verið teknir af okkur Íslendingum, og spurning hvort að danska ríkið ætti kannski að borga hverjum Íslendingi eitt ár af launum fyrir öll þessi frí sem voru tekin af okkur. Kjaftæðið flæðir alveg í gegnum þáttinn, enda síðasti séns til að bulla áður en árinu lýkur. Við þökkum fyrir okkur á þessu ári, og hlökkum til að fræða og bulla meira á nýju ári.

Í þessum þætti af Já OK! setjast Fjölnir Gísla og Vilhelm Neto í fljúgandi baðker og fjalla um eitthvað sem margir muna vel eftir. Fyrir mörgum gerði þetta jólin og jafnvel er þetta byrjunin á framhaldsþáttafíkn Íslendinga. Mun Blámi komast aftur heim til plánetunnar sinnar? Finna þeir Völund? Mun Lovísa fá fluguppfinninguna í jólagjöf? Hvar eru Pú og Pa?

Í þessum þætti af Já OK! fara Fjölnir Gísla og Vilhelm Neto í enn eina gönguna í gegnum Reykjavík. Þeir standa fyrir framan Bíó Paradís og spurja sjálfa sig: “hvað ætli mörg kvikmyndahús hafi starfað á Íslandi?“ Úff yfir allt landið er það langur listi. En hvernig byrjaði kvikmyndamenningin hér á landi?

Siggi, Keiko, hvað hefði hann heitið ef hann hefði fengið að velja sjálfur? Við munum líklegast aldrei vita það. Eitt vitum við þó. Siggi/Keikó var einn frægasti Íslendingur heims á sínum tíma en þessari frægð fylgdi ekki einungis gleði og velgengni. Líf Sigga/Keiko var margbrotið, óvenjulegt og á köflum erfitt. Strákarnir mæta í galsa upp í stúdíó og reyna að tala um líf Sigga/Keikó en svo er spurning hvort þeim takist það.

Í þessum þætti af Já OK! leita Fjölnir Gísla og Villi Neto í heimahaga og fá tvo gesti til sín sem geta svo sannalega alið þá upp. Þetta fólk hefur fylgt þeim í gegnum lífið og eru einnig harðir hlustendur þáttana. Strákarnir gera allt sem þau segja þeim að gera enda hafa þau lært sjálf mikið í gegnum lífið, hvort sem það er sem skiptinemi í Portúgal eða hafa alist upp við hliðina á hernum. Við kynnum mömmu og pabba.

There is nothing better than stepping out of your house, going partying, meeting a cute girl, bumping apps, marrying, and getting 5000 dollars a month just for marrying her. Yeah Iceland is amazing, but is it really like that? This episode is an English version of the previous episode: Almennur misskilningur um Ísland.

Það er ekkert betra en að heilsa upp á álfinn á leiðinni á djammið, hitta sæta manneskju, "bömpa öppum" saman, giftast, og fá 5000 dollara á mánuði. Já, Ísland er frábært land, en er það svona? Þessi þáttur er líka til í enskri útgáfu.

Af eilífðarljósi bjarma ber, / sem brautina þungu greiðir. / Vort líf, sem svo stutt og stopult er, / það stefnir á æðri leiðir. / Og upphimin fegri en auga sér / mót öllum oss faðminn breiðir. Þann 15. nóvember 1978 brotlenti Flugleiðavélin Leifur Eiríksson í Colombo á Sri Lanka. Þetta er eitt mannskæðasta flugslys Íslandssögunnar. Í þessum þætti þræða Fjölnir Gíslason og Vilhelm Neto söguna um þau fimm sem lifðu af og hver orsök slysins voru. Þessi þáttur er seinni hluti af tveimur þáttum um Flugsögu Íslands. Tónlist og hljóðmynd eftir Fjölni Gíslason.

Það á að fljúga suður í dag. Allir sem vettlingi geta valdið flytja niður á bakkann. Konur og karlar og börn. Því kominn er nýi tíminn er loftferðir hefjast um landið á örfáum stundum en áður dagar og vikur varði. Við snúum við örstund eina og yfir kaupstaðinn fljúgum. Fólkið er smápeð er sniglast og smýgur um götur bæjarins, bundið við hagsvon báts eða bletts af ræktuðu landi. Þrælkað og þjáð um þúsund ár byggðar landsins. Með öfund í brjósti ef öðrum eilítið betur gengur, en illtamda uppgerðahryggð yfir óförum keppinauts.

Bi gissuna presenta for ju "Já OK!" Hvað þýðir þessi setning? Tjah, þú munt geta kannski fundið uppúr því þegar þú ert búin að hlusta á þáttinn. Ef þú myndir segja þetta við basknenskan veiðimann á Vestfjörðum myndi hann fatta voða lítið, en allaveg myndi hann skilja hvað þú værir að segja. Men hvis vi siger at Vilhelm og Fjölnir skal snakke om den gamle tradition om at tale dansk om sondagen, sa maske forstar du lidt bædre hvad vi mener. Dömur, herrar og kaupmenn, þessi þáttur fjallar um tvennt. Dönsku á sunnudögum og bask-íslenska blendingsmálið.

Það er komið að Halloween Special! Í þessum þætti af Já OK! fara Fjölnir Gísla og Villi Neto í smá göngutúr um miðborg Reykjavíkur og athuga hversu reimt er í höfuðborginni okkar. Á meðan Fjölnir spáir í hvort það sé líf eftir dauða og Villi reynir að ná utan um fjórðu víddina þá fræðumst við um Stúlkuna á Gyllta Kettinum, Steinunni í Dómskirkjunni, harmleikurinn í Menntaskóla Reykjavíkur og hálfi maðurinn í Þjóðleikhúsinu. Við mælum með að hlusta á þennan þátt með slökkt ljósin.

Fjölnir og Villi. Villi og Fjölnir. Saman, spjalla, um lífið, ættartré, Íslendingabók, en fyrst og fremst, tala þeir um Maríu Markan. María Markan var ein helsta söngkona Íslendinga og söng um á víð og dreif. Hún kunni nokkur tungumál, og söng á þeim tungumálum líka. Við biðjum hlustendur um þolinmæði við hlustun á þennan þátt, þar sem COVID þreyta er greinilega að hafa áhrif á íslenskuna hans Villa. María Guðjohnsen, nei, Dorthea Marie, nei, bíddu, hvern vorum við að tala um aftur? Já! Ein helsta söngkona sem Ísland hefur alið að sér, María Markan

Aðilar takast á hendur, svo segir í sáttmála hinna Sameinuðu þjóða, að leysa hvers konar milliríkja deilumál, sem þeir kunna að lenda í, á friðsamlegan hátt?EN SVO BARA BOOM 5.grein NATO, AÐILAR ERU SAMMÁLA UM, AÐ VOPNUÐ ÁRÁS Á EINN ÞEIRRA EÐA FLEIRI Í EVRÓPU EÐA NORÐUR-AMERÍKU SKULI TALIN ÁRÁS Á ÞÁ ALLA. Þurfum við ekki þá gæslu?friðargæslu?gæsla friðinn?hvað er friðargæsla?

Fjölnir Gíslason (fjolnirg) og Vilhelm Neto (villineto) setja á sig VR gleraugun og stökkva inn í netheima til að gerast hugarar. Hugarar tala um allskonar, en hafa mest áhuga á Counter Strike og Háhraða. Í heimi með fullt af rifrildum lesa þeir nokkra áhugaverða þræði, tala um QAnon og þróun netsins.Strákarnir detta í eitthvað rosalegt skap á netinu.Þetta er hin alræmda síða hugi.is

Í þessum þætti af Já OK! bregða Fjölnir Gíslason og Vilhelm Neto sér í útileigu, þó ekki þá útilegu sem þeir hefðu kosið sér, heldur útlægð, upp til fjalla í óbyggðum. Reynið bara að ná þeim. Þeir munu alltaf ná að stinga af á handahlaupum.

Í þessum þætti ætla Fjöln(ý) og Vilhelm(ína) að tala um borgarinnuna. Borgarinna þessi, var stundum kölluð Handelsborgarinna, stundum kölluð Vertshús-mína, hún var maður, hún var dugnaðarforkur, hún var móðir, hún var kjósandi á undan sinni samtíð. Hún var Vilhelmína Lever

Fjölnir og Villi fara ásamt þrem nafnlausum vinum og banka uppá hjá einhverjum gaur, sem er vonandi til í að vera kóngur Íslands. Hljómar það galið? Það væri ekki í fyrsta skiptið sem það væri að gerast allavega, það vitum við, en hverjir tóku upp á því? Það vitum við ekki, eða hvað? Erum svona 70% viss allavega... eða kannski bara 35% viss... Kóngurinn sem aldrei varð.

Í þessum þætti af Já OK! ætla Fjölnir Gíslason og Vilhelm Neto, ásamt gesti þáttarinns Magnúsi Rafnssyni sagnfræðing, að berja, gelda, bíta, slá, blinda, klóra flengja. Brenna, reka útlegð á, aflífa og hengja.

Fjölnir og Villi andvarpa. Fjölnir er í þykkum kjúklíngabúning og Villi í þykkum eðlubúning. Þeir taka eitt andartak, og síðan setja hausana á sig, það er ælulykt inn í þeim, enda vel notaðir búningar. Dömur og herrar, íslensk lukkudýr.

Í þetta skiptið kíkja þeir Fjölnir og Villi Neto til Danmerkur í Tívolíið í Kaupmannahöfn. Árið er 1905. Þar er ákveðin sýning sem íslenska nýlendu þjóðin er að fara taka þátt í fyrir skemmtanaglaða Dana. Það voru mótmæli. Hvert var markmið Dana með þessari sýningu? Hefðum við kannski átt að mótmæla öðruvísi?

Fjölnir Grohl, tekur upp mækinn, Vilhelm Nicks tekur upp gítarinn og saman reyna þeir að komast í næstu rokkhljómsveit. Í þessum þætti fer þetta rokkaradúó í kringum rokk-ævintýri Íslands, Magni og hans þáttaka í Rockstar Supernova. Var hann kannski of poppaður fyrir hana? Sumir vildu meina það, en allir voru sammála um að halda sig Magnavakandi svo þeir gætu kostið í Magnavökunni.

Sagan endurtekur sig alltaf, en þó ekki í sömu mynd og áður. Og kannski í þeirri mynd sem við spáðum. Hér á landi sem og í heimi hafa komið allskonar plágur sem og allskonar nefndir. Spænska veikin og Hvíti Dauði sem og Berklaveikisnefndin. Nokkur heilsuhæli spruttu upp fyrir berklasjúklinga en þó er eitt hæli sem hvílir mest á minningu þjóðarinnar. Í þessum þætti minnast Fjölnir Gísla og Villi Neto sjúklingana sem biðu örlög sín á Kristneshæli. Gestaleikarar þáttarins eru Ninna Karla Katrínardóttir og Eyvindur Karlsson.

Danmörk og Ísland eru eins og foreldri og barn. Nema barnið verður einn daginn 18 ára og það vill vera með í fullorðna borðinu, en fær hinsvegar fullorðna borðið með frændfólkinu sem það þekkir ekki. Svo að lokum er það fullorðið í alvöru og vill flytja út en foreldrarnir eru alltaf önnum kafin þannig Ísland flytur bara út úr húsi einn daginn meðan foreldrarnir eru í útlandaferð.

Fjölnir Gíslason, Vilhelm Neto og Atli Sig setja á sig sérhannaða skyrhanska og taka þaulæfð skyrskot beint í „ríkisóstjórnina“. Sá á skyrið sem á það skilið. Já, þessi þáttur fjallar um Helga Hóseason, oft kallaður mótmælandi Íslands og maðurinn sem næst hefur komið því að afskíra sig þrátt fyrir að hafa ekki fyllt út nein eyðublöð. Krosslafur, ríó og Sameinuðu þjóðirnar koma við sögu en ekki á þann hátt sem þið haldið.

Í þessum þætti af Já OK! eru Fjölnir Gíslason og Vilhelm Neto vel nærðir og saddir. Þessi þáttur er svona post-hamborgaramáltíð þáttur. Ekki póst Burger King þáttur samt, og ekki post-McDonalds heldur, þótt það væri kannski hægt. Með fullan maga er farið yfir alla staði sem hafa fyllt á manni magan í gegnum tíðina en ekki lifað af gagnrýna garnagaul Íslendinga. Stjáni Blái reyndi að selja okkur kjúlla, Ungfrú Wendy sá um sína hermenn og Tommi fór í útrás. Við nutum þess alls.

Í þessum þætti af Já OK! ætla Fjölnir Gíslason og Villi Neto að byggja kofa. Þeir moka fyrir grunninum svo kofi fjúki nú ekki í næsta stormi. Þeir finna bein. Er þetta dýrabein? Afhverju er sokkur á endanum á beininu?

Í þessum þætti af Já OK læra Fjölnir Gísla of Villi Neto af Pétri Hoffmann, um hvernig eigi að vera með almennilegt drip, hver sé í rauninni bestur í bardaga á barnum og reyna að kaupa Selsvardal svo þeir geti keypt 1000 króna krónu. Leggið hluztir á þennan stórskemmtilegan hlaðvarpsþátt.

Í þessum þætti af Já OK! fjalla Fjölnir Gíslason og Vilhelm Neto um sjálfsþurftarbúskap og hjón sem áttu heldur betur sérkennilegt líf. Að fara í heimsókn til þeirra var eins og að stíga aftur í tímann. Ekkert vatn, ekkert rafmagn, enginn sími, ekkert klósett. Þetta eru hjónin Blómey og Óskar.

Í þessum þætti af Já OK! fjalla Fjölnir Gísla og Vilhelm Neto um pólítíska augnsýkingu, greiða hjá forsetanum, mögulegt sóttkví, tengsl nútímans við fortíðina og að allt fari í hringi. Hvíta Stríðið eða Drengsmálið? Tjah, fer eftir hvaða sagnfræðing þú spyrð.

Í þessum þætti af Já OK! stökkva laugaverðirnir Fjölnir Gísla og Villi Neto í djúpu laugina og ræða um gamalt íslenskst raunveruleikasjónvarp. Hér er allt í drasli í stúdíóinu en það er í lagi því planið er hvort sem er að fara á skútuna Ástarfleyið í smá frí. Hver veit nema að piparsveinninn Fjölnir muni fara á biðilsbuxurnar, eða þá að Villi muni stökkva úr bumbuboltanum beint í atvinnumensku?

Fjölnir og Villi fara í gegnum gamlar minningar og ferlið við að gera söguhlaðvarp. Það er mikið hlegið, mikil þakklæti og... já... vantar eitthvað meira? Já! Húsagatilskipunin! Ekki gera svona og ekki gera hitt!

Í þessum þætti af Já OK! fjalla Fjölnir Gíslason og Vilhelm Neto um hvað það er sem gerir íslending að íslending. Eru það skattsvik? Eða sundfíkn? Eða er það jafnvel bara að nota sólgleraugu í rigninguu? Sennilega er það margt og ekki hægt að negla það niður en þeir hafa þó á rannsóknarstofu sinni reynt að finna hver kjarninn er. Þetta er tilraun 1 af mörgum.

Í þessum þætti af Já OK! skiluru fjalla Fjölnir Gíslason og Vilhelm Neto um eina alvöru Eurovision stjörnu Íslands OK?! Þú veist?hún bara þú veist?OMG! Þið verðið bara að hlusta á þáttinn skiluru! Miklu betri en einhver nördi að tala um eitthvað leiðinlegt stöff fattaru?

Í þessum þætti af Já OK! fjalla Fjölnir Gíslason og Vilhelm Neto um þá daga þar sem þvottavélar voru ekki til og hvernig sú lúxus vara breytti lifnaðarháttum íslendinga. En hvernig fórum við að því að þvo föt og önnur klæði fyrir daga þvottavélanna? Jú, sú saga er einmitt áhugaverðari en maður heldur. Við kynnum: Þvottakonurnar.

Í þessum þætti af Já OK! fjalla Fjölnir Gíslason og Vilhelm Neto um okkar fyrsta íslenska konung. Ekki? Kannski ekki. En hann var algjör hundur. Hann tók yfir Ísland í nokkrar vikur. Samt ekkert illa meint. Þetta var mjög franskt allt saman. Eða tasmanskt? Nei, breskt! Við kynnum: Jörundur hundadagakonungur.

Í þessum þætti af Já OK! fjalla Fjölnir Gíslason og Vilhelm Neto um okkar fyrsta íslenska konung. Ekki? Kannski ekki. En hann var algjör hundur. Og hann heillaðist af þeirri “tólgparadís“ sem Ísland er. Þessi þáttur er fyrsti partur af tveim. Við kynnum: Jörundur hundadagakonungur.

Í þessum þætti af Já OK! fjalla Fjölnir Gíslason og Vilhelm Neto um fólk sem hefur náð langt í mörgu sem flestir geta ekki, eins og að glíma við skógarbjörn. Þau eiga það öll sameiginlegt að hafa sett Ísland á kortið á einn eða annan hátt. En þetta eru þau Ólöf, Jóhann, Baldur, Konni og Jóhannes. En hvað á allt þetta fólk sameiginlegt? Jú þau voru öll Íslenskir Sirkuslistamenn.

Í þessum þætti af Já OK! stíga Fjölnir Gíslason og Vilhelm Neto í moldina og fara í kúluvarp í braggahverfinu, meðan þeir reyna að átta sig á ástandinu og skilja hvað nákvæmlega sé í gangi þarna. Hver eru þessir hermenn? Af hverju eru þeir flottari en við? Hvaðan kemur þessi fúkalykt?

Í þessum þætti af Já OK! fjalla Fjölnir Gíslason og Vilhelm Neto um hin blíðlega risa sem við áttum einu sinni. Þessi manneskja var ein af þeim sem settu Ísland á kortið. Hann var heimsfrægur. Og hafa margir reynt að stíga í hans spor, eftir hans tíð. Þessi þáttur er svakalegur. En hann er samt ekkert mál, fyrir hann Jón Pál!

Í þessum þætti af Já OK! fjalla Fjölnir Gíslason og Vilhelm Neto um svartasta sauð Íslendinga... eða svo sögðu Danir. Þeir fíra upp hjól pressunnar og láta aróðursmaskínuna óma um allar trissur, en að þessu sinni er það SS hermaðurinn, og sonur fyrsta forseta lýðveldisins, Björn Sv. Björnsson.

Í þessum þætti af Já OK! fjalla Fjölnir Gíslason og Vilhelm Neto um skattlaust ár á Íslandi?Já þið heyrðuð rétt! Eitt ár þar sem enginn þurfti að borga skatt?EITT ÁR ÞAR SEM ENGINN ÞURFTI AÐ BORGA SKATT