Já OK

Já OK óskar hlustendum gleðilegs nýs árs og þakka innilega fyrir það liðna. En af hverju höldum við samt áramót um vetur en ekki um sumarið? Af hverju eru áramótabrennur? Hvað varð um áttunda í jólum? Í þessum þætti fara Villi og Fjölnir langt til baka í tíma í leit að svörum við þessum spurningum. Bíddu bíddu bíddu...hvað eru flugeldafarþegar?

Í þessum þætti fara Villi og Tinna í gegnum fyrsta Idolið (Stjörnuleit) og fyrsta Idolinn (Kalli Bjarna) í Kompunni í Borgarbókasafninu (Grófinni) Fjölnir er veðurtepptur á einhverjum flugvelli og þá kemur Tinna og bjargar Villa eins og svo oft áður

Í þessum þætti fara strákarnir Villi og Fjölnir yfir veiki sem herjaði íbúa á Akureyri árið 1948. Er sú veiki þekkt í dag sem Akureyrarveikin eða Akureyri disease í alþjóðlegum læknaritum.

Villi og Fjölnir snúa aftur eftir margra mánaða fjarveru með tiltölulega léttan þátt! Hannes Hafstein var fyrsti ráðherra Íslands, ekki bara það, heldur var hann líka fyrsti Inspector Scholae MR. Við tölum aðeins, pinku pons, um Hannes Hafstein og síðan tölum við um alþingisferðina alræmdu.

Í þessum þætti kanna Fjölnir og Villi hinn óútskýranlega Njál Torfason, aka mennski segullinn, aka löngutangatogarinn.

Vilhelm Neto, fær aftur til sín Hafþór Óla, sem er farinn að vera kunnugur hlustendum Já OK! Fjölnir er á fullu að undirbúa Hetju í Tjarnarbíó, en hlustendur okkar fá afslátt með að virkja afsláttarkóðann "jaokhetja" á tix.is Í þessum þætti spjöllum við um CSI:Kambur

Þetta er kannski þáttur um draugagang en við lofum að þetta er ekki draugalegur þáttur.

Munið þið eftir Þorskastríðinu? Þessi þáttur er ekki um það en hann er þó um annað stríð sem ríkti einu sinni á Íslandi. Munið þið þegar pylsusala var bönnuð á Íslandi?

Í þessum þætti tekur Vilhelm Neto viðtal við Erp, um ákveðið atvik, mjög umtalað atvik á sínum tíma. Viðtalið um atvikið fer svo út í algjört rugl, þó serstaklega að tala um Johnny Naz og íslenskt sjónvarp sem hefur ekki litið dagsins ljós í langan tíma. Ekki gleyma að kíkja á nýja laginu hans, Slaki Babarinn : https://open.spotify.com/track/1rtqbbF3ZN7KprgC2kkJE2?si=4b71593716fa4dc5 Fjölnir skilar kveðju en hann er um þessar mundir að vinna í leikverkinu "Hetja" sem verður sýnt í Tjarnarbíó í Apríl.

Bæjarins Beztu. Mest sígildi pylsustaðurinn í Reykjavík. SS pylsur, þekktasti pylsuframleiðandi landsins. Vilhelm Neto og Hafþór Óli fara yfir stóru pylsumálin í þessum þætti, eða ættum við að segja stóru pulsumálin? Við ætlum allavega að tala um kjötið þarna í görnunum.

Fjölnir biðst fyrirgefningar að hafa gert enn einn þáttinn sem er um þungt málenfi, en í þetta skiptið er það Kópavogshælið, einhver barnatönn í tímanum...

Er það satt að við drápum fullt af Spánverjum? Já og Nei. Já, við gerðum það, en að kalla þá Spánverja væri kannski ekki alveg rétt, þetta eru Baskar. Baskar sem við drápum í síðasta skráða fjöldamorð hér á landi, en af hverju gerðist það? Förum yfir það aðeins…

Við erum komnir aftur baby! Og í þetta skipti ætlum við að fjalla um hann Brynjólf Björgvin Ólafsson. En hvernig tengist hann titil þáttarins?

Villi og Fjölnir eru staddir fyrir utan hús rektors Menntaskóla Reykjavíkur. Árið er 1850, þann 19. janúar. Úr fjarska sést hópur pilta strunsa í áttina til þeirra á meðan þeir hrópa “Rektor Sveinbjörn Egilsson pereat!” Hvað skildu þeir vilja mótmæla?

Á meðan Fjölnir tannburstar á sér afturendann setur Villi glimmerpúður á bibbann. Já OK eru komnir til að dreifa út flökkusögum!

Flatus lifir enn!

Í okkar land voru alls konar vættir sem vernduðu landið. Eru þessar verur enn meðal okkar, eða höfum við fælt þær burt með ósvífni okkar gagnvart náttúrunni? Hverjir vernda landið núna? Hvernig á að reisa níðstöng? Virka níðstangir? Villi og Fjölnir rannsaka þetta allt í nýjasta Já OK.

Fjölnir og Villi tala um flóttamenn frá Þýskalandi á tímum seinni heimsstyrjaldar. Hvernig ætli hafi verið tekið á móti fólki að flýja nasisma? Eins merkilegt og það sýnist, þá koma viðbrögðin ekkert sérstaklega á óvart. Hvað var þetta fólk? Hvað gerði það? Af hverju kom það hingað?

Villi og Fjölnir stimpla sig aftur inn í rannsóknadeildina og krifja upp gamalt sjóslys sem fáir vita um. Mögulega því lítið var talað um það og er þetta slys talið gleymt í minni margra. Hvað kom fyrir á skipinu Röðull?

Skyldu Fjölnir og Villi einhverntíman þurfa að afsaka fyrir einhverju, þá væri það líklegast að vera fyrir að hafa hleypt smá púka í sér á einhverju djammi. Íslendingar eru þekktir fyrir að kunna að djamma vel, en ef það er eitthvað sem allir Íslendingar vita líka, er það að orðstír deyr aldrei. Til hvers ráðs á maður að taka ef maður hagaði sér aðeins of dólgslega á sínu síðasta djammi? Er ekki best bara að negla í eina opinbera tilkynningu?

Langar þér í gladrahnífasett? Eða útdraganlegann tommustokk? Hvað með naglalakk sem virkar eins og rúðuskafa? Það er allt og meira en það til sölu í Sjónvarpsmarkaðinum!

Villi og Fjölnir eru ungir og til í útihátíð. Þeir hafa frétt af því að það sé eitthvað að gerast í Keflavík. Eitthvað stórt, eitthvað mikilfenglegt. Keflavík Music Festival, sæll! Sjá alla þessa artista! Vonandi mæta þau öll... eða hvað?

Fjölnir og Villi fara í brúnku, kíkja í ræktina, mastera nokkrar pósur og keppa um titilinn. Skildu þeir vinna, væru þeir nógu góðir til að halda titlinum? Myndu þeir kunna að hegða sig eins og herramenn í hversdagslegu lífi? Hvað ef þjóðin kaus þá en ekki dómararnir? Hvað ef þeir fara til London og tapa? Sama hvað, eru strákarnir Herra Ísland fyrir mömmur þeirra.

"Bringukollar? Hvað eru bringukollar?" spurði Villi á meðan Fjölnir sat gáttaður á því að hafa aldrei heyrt orðið "bringukollur".

Göjr, Villi og Fjölli eru að fara að fá sér sveittan börra og splitta síðan. Menn eru náttúrulega bara að snakka í þessum þætti um slang og eitthvað kjaftæði, bara tveir ferskir sjomlar. Bleller!

Strákarnir taka tímavél og skoða 2007 aftur, þeir eru báðir þó mishressir, og þess vegna er þátturinn í styttri kantinum. Covid þynnkan heimsækir 2007 góðærið, og Covid þynnkunni er sko alls ekki skemmt.

Hvað ef Alþingishúsið hefði ekki verið reist þar sem það er núna? Hvað ef Þjóðleikhúsið væri við endann á Bankastræti? Hvað ef Hallgrímskirkja hefði verið byggð í rómverskum stíl? Þetta er Reykjavík sem hefði geta orðið en ekki varð. Allt þetta og meira í þessum þætti.

Að þessu sinni ganga Fjölnir og Villi í slökkvuliðið og reyna komast að orsökum á einum mesta bruna sem hefur komið upp á Íslandi til þessa dags þegar mörg hús í miðbæ Reykjavíkur brunnu til kaldra kola og kallast sá bruni Miðbæjarbruninn. Þessi þáttur er fyrri hluti að skipulagssögu Reykjavíkur svo komið ykkur vel fyrir. Það er margt að grafa upp í þessu máli!

Tímahylki geyma ótal margt, eins og nokkrar dósir af Tuborg og vítamíntöflur, en hvað myndum við setja í tímahylki skyldi það vera framkvæmt í dag? Nokkrar dósir af Nocco? Lyft? Hildur Yeaoman kjól? Allavega ekki íscola, það er löngu hægt að framleiða það, væri kannski gaman einn daginn að fá að smakka það.

Í þætti vikunnar leysir Stefán Ingvar Fjölni af og segir frá samráði olíufélaganna þriggja á Íslandi, sem stóð yfir frá árinu 1993-2001

Hver var Lúkas? Hvar var Lúkas? Hver drap Lúkas? Hver drap hann ekki? Hver laug um dauðan hans? Er Lúkasarmálið forfaðir QAnon? Af hverju myndi einhver ljúga um Lúkas? Til hvers? Við vitum ekki neitt, en við getum allavega útskýrt hvað gerðist.

Að þessu sinni sest Stefán Ingvar í stólinn og leysir Villa af. Fjölnir og Stefán ræða um mjög erfiða ævi sem hann Leifur Muller átti og hans tíma í fangabúðum nasista. Sú saga er lýginni líkust.

Hvernig vinnur maður sér úr þrældómi í landi þar sem maður þekkir engan? Hvað ætli fólki finnist um mann? Eru móttökurnar hlýjar í svona köldu veðri? Fjölnir og Villi halda áfram að skoða líf Hans Jónatans og hvernig líf hans var eftir að hann komst til Íslands.

Fjölnir og Villi fara yfir ævi Hans Jónatans. Hans var ekki bara manneskja sem frelsaðist undir fjötrum þrældóms, heldur var hann líka klár og hugrakkur maður, sem þurfti að ganga í gegnum margt áður en hann fékk að koma til Íslands. Við förum yfir það allt í þessum þætti.

Villi og Fjölnir ætla að ræna banka! Nema hvað að það er þó spurning hvort það borgi sig? Hvað ef þeir komast upp með það með aðeins fulla vasa af klinki í laun? Er það þess virði? Þeir allavegana lofa að sama hvað gerist þá ætla þeir ekki að "snitch'a" hvorn annan. Það eru víst reglurnar á götunni.

Sölvi Helgason var kynlegur kvistur, alveg eins og Villi og Fjölnir hefðu orðið á þessum tíma, en hefðu félagarnir þorað að vera jafn frjálsir og Sölvi Helgafóstri Sokrates Humbolt Schiller Spinoza Kant Hegel Newton Islandus? Örugglega ekki, eða hvað?

Í þessum þætti fara Villi og Fjölnir á þjóðhátíð klæddir pollagöllum og með heimabrukkað snaps frá Portúgal. Þessi þjóðhátíð er þó ekki árið 2021 heldur 1943 þar sem mikill harmleikur átti sér stað. Hvaða tunna er þetta? Hvaðan kom hún? Og hvað er í henni?

Villi og Fjölnir vilja selja vopn til einræðisherra, en hvernig fara þeir að því? Besta leiðin væri að fá hjálp frá Bandaríkjaher og fá síðan vopn með hjálp frá Sádí Arabíu, kannski Ungverjaland eða landi sem er ekki lengur til og svo ráða einn eða tvo vini til að hjálpa manni að flytja öll þess tonn af vopnum.

Að þessu sinni klæða Villi og Fjölnir sig upp í fronmannaklæði, binda ullarsokkana, spaðafaldur á höfuðið og ferðast aftur í tíman í leit að uppruna þjóðbúningsins. Þessi er rándýr!

Guðmundur Sigurjónsson var svo sannarlega ótrúleg manneskja. Glímukappi, íshokkíþjálfari, íslenskukennari, góðtemplari og hermaður í fyrstu heimsstyrjöldina. Hann er líka, því miður, eina manneskjan til að fara í fangelsi fyrir að brjóta gegn 178. grein íslenskra hegningarlaga frá 1869. Kynhneigð fólks hefur oft verið umræðupunktur, oftast en ekki að óþörfu, og sést það vel í þessum þætti. Fjölnir og Villi skoða heim sem er þeim fjarstæðukenndur en á sama tíma enn til í huga margra.

Jú allt í einu birtist bjargvætturinn Laufey blásvört í framan krókódílamaðurinn kemst undan á flótta kerlingin finnur hann loks á útidyratröppunum lamaðan af ótta. Fjölnir og Villi vilja vara við því að sumar umræður í þessum þætti eru um kynferðislegt ofbeldi og geta verið óþægileg fyrir suma.

Laufey Jakobsdóttir hefur oft verið kölluð "amman í Grjótarþorpinu". Hún á sér merka sögu, alin upp við erfiðar aðstæður og kröpp kjör en hefur aldrei látið bugast heldur skipað sér í fremstu viglínu í réttindabaráttunni. Fjölnir og Villi vilja vara við því að sumar umræður í þessum þætti eru um kynferðislegt ofbeldi og geta verið óþægileg fyrir suma.

Þetta er þáttur númer 100! Af því gefnu ákváðu Fjölnir og Villi að rifja upp fyndin og skemmtileg móment. Þeir mæla með að fólk pissi áður en hlustað er á þáttinn...eða ekki. Þeir ráða ekki hvað þið gerið.

Ef þið gætuð flutt til Brasilíu, með alla ykkar vini og vandamenn, myndu þið gera það? Minnum á að ferðin væri að minnsta kosti 5 mánuðir á báti með nokkra æðislega rétti sem innihéldu meðal annars hveitikekki, þið þyrftuð að byggja ykkar eigin hús og líka að læra kannski eitt til tvö tungumál. Já, svo er veðrið ekki einu svipað íslenska veðrinu og svo ertu næstum því eins langt frá Íslandi og þú getur verið. Hver veit? Ef Fjölnir hefði flutt til Brasilíu þá væri Gislason örugglega orðið ættarnafn í Brasilíu.

Fjölnir og Villi, fara upp á bát á Akureyri, þaðan til Kaupmannahafnar, stoppa kannski í bjór á Nörre Bodega, fara þaðan til Hollands, kíkja kannski til Amsterdams, þaðan til Malaga og kaupa karton af sígarettum til að stinga pokanum í, og þaðan til Brasilíu. Það vill svo heppilega til að Villi talar portúgölsku og getur þýtt fyrir Fjölni, en ekki var Kristján Ísfeld svo heppinn að eiga einhvern eins og Villa, þetta er, Íslendingurinn í Ríó.

Hallærisplanið. Þar sem auralausir unglingar komu til að hanga. Ekki bara nokkrir heldur mörg þúsund! Hverja helgi var þetta eins og menningarnótt. Í dag þekkist þetta torg ekki fyrir hallæri heldur góða skyndibita, hjólabretta iðkendur og skautasvell á jólunum.

Þessi þáttur er 3 stiga! Fjölnir og Villi ákveða að dusta af íþróttaskónum og rifja upp einn merkan kappa sem átti heldur betur stóran feril en það er enginn annar en Pétur Guðmundsson, fyrrum NBA leikmaður.

Ó, vei þeim sem með órétt lög umgangast og þau tíðka mjög, sannleiknum meta sitt gagn meir, svívirðing drottni gjöra þeir.

Nú skulum við skella okkur í diskógallann og túpera á okkur hárið. Grísirnir tveir Villi og Fjölnir hafa verið duglegir að fara í ljós þrisvar í viku og mæta reglulega í líkamsrækt. Nú ætla þeir ásamt ykkur kæru hlustendur að kíkja til Hollywood. Við skulum ekki gleyma mynd af bílnum í vasanum. Já! Það er sko enginn grís að þið skuluð hafa grísað á þennan þátt þar sem Grease ræður ríkjum og blikkandi dansgolf.

Ef Ljón Norðursins var Leó, þá er Villi Letidýr Norðursins og Fjölnir Ugla Norðursins. Strákarnir kafa í líf Ljón Norðursins í þetta skiptið, maðurinn sem vann við allt og gat ort ljóð um ekkert. Hver var Leó, hvað var leó, og hvað gerði leó? Margt og annað, hlustið og njótið.