Sogama presenta o seu código de boas prácticas ambientais no nadal

Estamos ante a época do ano na que máis refugallos se producen, polo que a Sociedade Galega do Medio Ambiente (SOGAMA) decidiu divulgar un pequeno manual dixital para axudar á cidadanía a manter unha conduta responsable desde a dimensión ambiental e económica. O presidente desta entidade pública, Luís Lamas, apela á reflexión como o mellor antídoto co que combater a desidia que en moitos casos a cidadanía presenta respecto do que debe ser a xestión sostible dos residuos urbanos.