Presentamos o disco Cantigas de Mulleres, perfecto agasallo para este nadal

Con Uxía Senlle e Inma Grass presentamos Cantigas de Mulleres, o disco que hoxe saíu a venta recollendo 17 fermosas cancións interpretadas por grandes artistas da escena musical galega, cun amplo abanico que vai dende as novísimas Sonia Lebedinsky ou Sés, deica a veterana Señora Carmen ou María Manuela, pasando por Uxía, Guadi Galego, Rosa Cedrón e Cristina Pato entre outras. Un disco que se engade á colección "Cantigas" do selo Fol Música e que reivindica o talento, a creatividade e a forza cultural das mulleres galegas na música. Coa direccion artística de Uxía a coordinación de Inma Grass e o deseño de O Pastor, esta edición trilingüe (galego, castelán e inglés) está tamén pensada para o público internacional.