O Pemento do Couto e o Tomate Negro de Santiago xa están na carta do Chef Marcelo Tejedor

O Concello de Narón en colaboración co Chef Marcelo Tejedor, celebraron esta mañá unha presentación gastronómica no emblemático restaurante “Casa Marcelo” co fin de achegar aos profesionais da gastronomía e ao público en xeral as cualidades excepcionais do Pemento do Couto e o Tomate Negro de Santiago, dúas hortalizas que se cultivan no agro naronés. Acudimos a Casa Marcelo para falar en directo co concelleiro de Promoción Económica, Pablo Villamar, con José Benito Castro, presidente da Cooperativa do Campo Galego O Val-Narón, entidade que aglutina aos produtores que cultivan estas hortalizas, e tamén co chef Marcelo Tejedor para que nos amose o uso do Pemento do Couto e o Tomate Negro de Santiago como ingredientes exclusivos da cociña tradicional e de vangarda.