O CEIP de San Xoan de Filgueira en Ferrol utiliza o cine como recurso didáctico nas aulas

O CEIP de San Xoan de Filgueira en Ferrol é o gañador do Premio especial do Maestr@, nova distinción do Premio á Acción Maxistral, convocado pola Fundación de Ayuda contra a Drogadicción (FAD), a Comisión Nacional Española de Cooperación coa UNESCO, Organización das Nacións Unidas para a Educación, a Ciencia e a Cultura, e BBVA co fin de resaltar a importancia do labor educativo que exercen os e as docentes. Hoxe quixemos achegarnos ao día a día deste centro educativo público que consegue obxectivos a pesar de que a metade do seu alumnado forma parte de familias en risco de exclusión social. Todo, grazas á motivación dos profesores involucrados nun modelo educativo baseado na colaboración entre alumnos. O premio, debeuse a un proxecto titulado «San Xoán de película: Unha escola inclusiva a través do cine», e que presenta cada lección cunha película.