A Asociación de Balnearios de Galicia presenta a nova páxina web

A Asociación de Balnearios de Galicia acaba de publicar unha nova páxina web, na que se reúne a oferta dos principais establecementos termais da comunidade. Recóllese o tipo de augas mineiromedicinais que posúe cada balneario, as súas indicacións terapéuticas para o tratamento de certas doezas e afeccións, así como os programas e os servizos hoteleiros de que dispoñen. Ademais da oferta termal, os usuarios teñen a oportunidade de achegarse a través da web ao contorno no que se sitúa cada balneario e ás posibilidades que lle ofrece ao visitante.