Unga Fólkið

Thorunn Clausen, leikari og tónlistarkona, hefur svo sannarlega upplifað tímana tvenna. Hún er einstakur laga- og textahöfundur og hafa verk hennar komið víða við. Hún hefur einnig þurft að ganga í gegn um mikinn missi sem enginn ætti að þurfa að upplifa.

Í þættinum fáum við að heyra magnaða sögu Gunnars Kr sem lenti ungur í alvarlegu slysi og missti bæði sjón og aðra höndina. Gunnar var fæddur árið 1936 og lést árið 2013.

Arnþrúður Karlsdóttir hefur ekki hikað við að fara ótroðar slóðir og rutt brautina á fjölmörgum sviðum fyrir konur. Hún var ein af fyrstu lögreglukonum landsins, var í fíkniefnalögreglunni og rannsakaði kynferðisbrotamál hjá rannsóknarlögreglu ríkisins. Mikil íþróttakona og var landsliðsmaður í kvennalandsliðinu í handbolta í áraraðir, háskólamenntaður blaða- og fréttamaður frá Noregi, sjónvarpsfréttamaður og ein af stofnendum Rásar 2. Arnþrúður hefur setið á Alþingi Íslendinga, er lögfræðimenntuð og síðustu tæpa tvo áratugina hefur hún verið eigandi og útvarpsstjóri Útvarps Sögu. Það hefur ekki alltaf verið logn í lífi Arnþrúðar Karlsdóttur. Arnþrúður Karlsdóttir " alltaf í hita leiksins"

Í þættinum minnumst við Guðjóns Elís Bragasonar, góðvinar Unga Fólksins, sem kvaddi okkur 19. mars síðastliðinn. Séra Fritz Már Jörgensson ræðir við okkur um sorgina, hvernig sorgin getur brotist fram á marga vegu og hvernig fólk lærir að lifa með missi. Fritz hefur starfað sem prestur í 5 ár og er einnig Glæpasögurithöfundur.

Við fáum að kynnast Aroni Brink sem er sonur tónlistamannsins Sjonna Brink, en hann lést á heimili sínu í janúar 2011. Aron hefur þurft að læra að lifa með sorginni en eftir andlát föður síns fór hann að þreifa fyrir sér í tónlist og hefur tekið þátt í The Voice Iceland og Söngvakeppni Sjónvarpsins.

Tónlistamaðurinn Birgir, sem heitir fullu nafni Birgir Steinn Stefánsson og er sonur tónlistamannsins Stefáns Hilmarssonar, hefur slegið rækilega í gegn í popp heiminum á undanförnum árum. Hann hefur átt tvö lög í Söngvakeppni Sjónvarpsins og lagið hans Can You Feel It hefur fengið yfir 24 milljónir spilana.

Már Gunnarsson ræðir við Sigrúnu Waage um ferilinn og lífið. Ung fór hún í virtan leiklistarháskóla og fékk fullt af spennandi verkefnum í framhaldi þess hér á Íslandi. Líf hennar hefur þó ekki alltaf verið dans á rósum.

Tómas Welding er ungur kvikmyndagerðarmaður og tónlistamaður sem hefur sér það að leiðarljósi að framkvæma allt það sem honum dettur í hug. Tónlistin hans hefur notið nokkurra vinsælda, en vinsælasta lagið hans hefur hlotið yfir 11.000.000 hlustanir

Í dag er víkingaþáttur hjá Unga Fólkinu. Við fáum í heimsókn leikkonuna og sunddrottninguna Ragnheiði Ragnarsdóttur, en hún fer með aðalhlutverk í hinum vinsælu sjónvarpsþáttum: Vikings, auk þess að eiga tvenna ólympíuleika að baki.

Í þætti vikunnar fáum við Hilmar Snæ Örvarsson í heimsókn til að segja okkur sögu sína sem einfættur skíðakappi. Hann hefur verið einfættur síðan hann greindist með krabbamein í lærlegg og þurfti þá að fjarlægja beinið, en hann lætur það svo sannarlega ekki stoppa sig.

Már Gunnarsson ræðir við Friðjón Einarsson, oddvita Samfylkingarinnar í Reykjanesbæ og formann bæjarráðs, um líf hans, stjórnmál og uppgang Reykjanesbæjar.

Enn og aftur fer Unga Fólkið í hundana. Í þætti vikunnar fáum við aftur til okkar hundaþjálfarann Björk Arnardóttur og ætlum við að þessu sinni að ræða um almenna hundaþjálfun og hvað fólk þarf að gera til þess að byggja upp gott og fallegt samband við hundinn. Ef þú ert að velta fyrir þér hundakaupum eða ert að fá þér hund og vantar upplýsingar um grunnatriði þjálfunar, þá mátt þú ekki missa af þessum þætti!

Við fáum í heimsókn Amöndu Líf Fritzdóttur, nútímadansara og ljóðskáld, og í lok þáttar heyrum við stuttlega í Natan Degi sem nýlega fékk fullt hús stiga í norska The Voice.

Stefan Octavian er fyrsta íslenska klámstjarnan. Hér fáum við að heyra sögu hans og hvernig klámheimurinn virkar.

Í þættinum er jólastemningin ríkjandi. Már og Iva spila jólalög fyrir hlustendur og spjalla við allskonar fólk um væntanlegt jólahald.

Þetta er fyrsti jólaþáttur Unga Fólksins. Már Gunnarsson ræðir við stórsöngvarann Matta Matt, en hann hefur á sínum ferli ferðast um víðan völl og komið fram allstaðar frá sveitaböllum í að standa á sviði sem framlag Íslands í Eurovision. Að sjálfsögðu er spilað jólalag í lokin.

Már Gunnarsson ræðir við Söru Sigmundsdóttur sem er ein bjartasta crossfit stjarna í heimi. Hún er með 1,8 miljónir fylgenda á instagram og hefur svo sannarlega þurft að klífa tinda til að ná þeim árangri sem hún hefur náð í dag.

Már Gunnarsson ræðir við Guðjón Elí sem er 18 ára jákvæður fótbolltastrákur úr Sandgerði með beinkrabbamein! Það er ekki auðvellt að þurfa að hætta að æfa og stunda það sem maður elskar að gera, breyta um lífsstíl til þess að ná bata, en það er ekkert annað sem kemur til greina en að sigrast á veikindunum.

Már Gunnarsson ræðir við tónlistarkonuna GDRN um ferilinn, tónlist og grímunotkun. Þau spila lag í lokin.

Í þættinum er sýnt hvernig þáttastjórnandi með batteríslausan síma og ekkert hleðslutæki bjargar sér þegar viðmælandinn klikkar á að mæta. Már Gunnarsson ræðir við sjálfann sig um tónlist og lífið sjálft, spilar lög í beinni og rifjar upp brot af því besta úr fyrri þáttum.

Már Gunnarsson ræðir við Geir Ólafsson um lífið, ferilinn og hvernig maður tekst á við áskoranir. Það er svo sannarlega spilað lag í lokin.

Hefur þú séð blindan einstakling ganga með leiðsöguhund? Og hefur þú spurt þig hvernig svona samstarf á milli manns og hunds gengur fyrir sig? Þá er þetta þáttur fyrir þig. Í þættinum er rætt við Björk Arnardóttur, hundaþjálfara, um leiðsöguhunda, hvernig þeir nýtast fólki í daglegu lífi og hvernig þeir eru þjálfaðir.

Í þættinum er fjallað um flugslysið árið 1970 þegar vél Flugfélags Íslands fórst í Færeyjum. Viðmælandi er Magnús Þór Hafsteinsson sem er að gefa út bók um atburðinn. Í lok þáttar heyrum við í sigurvegurum söngkeppni framhaldsskólanna 2020.

Menn sækja sér innblástur við listræna sköpun með ólíkum hætti. Við heyrum í Engli Bjarti sem lagði af stað í langferð um Evrópu til að safna hugmyndum í nýjustu ljóðabókina sína. Meðal annars var hluti af þeirri innblásturssöfnun að skella sér á hóruhús. Við heyrum einnig í ungri og upprennandi tólistarkonu í hveragerði.

Már Gunnarsson ræðir við spákonuna Siggu Kling. Opinskátt viðtal þar sem hlutirnir eru látnir flakka. Að sjálfsögðu er spilað lag í lokin.

Már Gunnarsson ræðir við Sveinbjörn Darra sem er 14 ára og einn yngsti svifflugmaður í söguni. Í þættinum er einnig rætt við flugstjórann Einar Dagbjartsson um flug og stöðu flugs í dag.

Már Gunnarsson ræðir við söngkonuna Sigríði Thorlacius um ferilinn og hvort það sé eitthvað til í þeim orðrómi uma að hún og Sigurður Guðmundsson séu kærustupar. Að sjálfsögðu er spilað lag í lokin.

Már Gunnarsson ræðir við Auðunn Sölva, níu ára leikara og rithöfund sem þrátt fyrir ungan aldur ber af á sínum sviðum. Í þessum þætti er mikið um hlátur og að sjálfsögðu er tekið lag í lokin. Í þættinum er líka leynigestur.

Már Gunnarsson ræðir við ívar Daníels stórsöngvara um lífið, erfið áföll sem á daga hans hafa drifið og hversu mikilvægt það er að bregðast rétt við á ögurstundu. Að sjálfsögðu er spilað lag í lokin.

Már Gunnarsson ræðir við söngkonuna Ragnheiði Gröndal um ferilinn, lífið, stefnumótasíður og margt fleira. Í þessum þætti eru tvö lög spiluð í beinni.

Sanna Magdalena er yngsti borgarfulltrúi Reykjavíkurborgar í sögunni. Á uppvaxtarárum hennar glímdi hún við gríðarlega fátækt þar sem hver króna skipti máli. Draumur Sönnu sem stjórnmálamanns er að uppræta fátækt. Að sjálfsögðu er tekið lag í lokin.

Meðalaldur þáttar dagsins er 35 ár. Már Gunnarsson ræðir við Pál Óskar um áhrif corona veirunnar á tónlistarlífið, hrillingsmyndir og margt fleira. Að sjálfsögðu er tekið lag í lokin.

Már Gunnarsson ræðir við séra Pétur sem að eigin sögn er klikk-klerkur um trúmál og hve miklu skiptir máli að vera öðruvísi og njóta sín í lífinu!

Már Gunnarsson ræðir við Áslaugu Örnu Sigurbjörnsdóttur dómsmálaráðherra um Covid19 faraldurinn, skimun ferðamanna og starf dómsmálaráðherra. Að sjálfsögðu er tekið lag i lokin!

Már Gunnarsson ræðir við Örnu Sigríði Albertsdóttur, þrítuga landsliðskonu í handahjólreiðum, um hvernig það er að takast á við lífið eftir að hafa lent í alvarlegu slysi sem breytti öllu. Arna er einstök kona með frábær viðhorf og fallegt hjartalag sem allir ættu að taka sér til fyrirmyndar. Að sjálfsögðu er síðan tekið lag í lokin.

Már Gunnarsson ræðir við sigurvegara Söngvakeppni Sjónvarpsins árið 2018, Ara Ólafsson, um tónlist, lífið og að sjálfsögðu Eurovision. Þeir félagar taka lagið í lokin.

Már Gunnarsson ræðir við Brynjar Karl, 16 ára strák með einhverfu, um mikilvægi þess að rækta hæfileikana í sjálfum sér en Brynjar fann sinn hæfileika þegar hann var 10 ára gamall þegar hann byggði eftirlíkingu af Titanic úr 60.000 lego-kubbum. Einnig kemur söngvarinn Kid Isak í heimsókn sem einnig lætur sína einhverfu ekki aftra sér í lífinu, og að sjálfsögðu er lag í beinni í lokin.

Már Gunnarsson ræðir við Þorra Þórarinsson, nýstúdent, sem útskrifaðist úr framhaldsskóla með 10 í meðaleinkunn. Einnig kemur í heimsókn söngkonan Iva, og taka þau Már lagið í lokin.

Már Gunnarsson ræðir við 22 ára ljóðskáld, Engil Bjart Einisson, um ljóðamarkað nútímans, að muna eitt þúsund aukastafi af Pí, ástarmál og margt fleira. Einnig kemur söngkonan Ísold og syngur lag í lok þáttar.