Souriali - سوريالي

اسمعوا هي الحلقة آخر حلقات برنامج من سيرة لسيرة يلي رافقكن خلال السنين الأخيرة، وتذكرونا

رحلة عبر التاريخ لقبل 6000 سنة قبل الميلاد لنحكي عن النساء المحاربات بالتاريخ، والدور الكبير يلي لعبوه بالأمم

عن المغيبة رزان زيتونة، والدور المهم يلي لعبته بالثورة السورية رح تحكيلنا غالية ببنات الشمس

كارولين رح عن تحكيلنا عن بدايات ما يسمى بالاقتصاد النسوي، وتشرحلنا عن بدايات هاد المفهوم الاقتصادي

هل ياترى في أي إيجابيات طالت المراة العربية والسورية خصوصاً بعد الثورات؟؟

عن النساء والثورة رح يكون حوارنا مع ضيفة الحلقة الدكتورة مارية العبدة المديرة التنفيذية لمنظمة النساء الآن ورح نشوف كيف عم تقدر هي المنظمة تتابع شغلها في ظل الحرب لليوم.

ضيف حلقة اليوم السيد سمير سعيفان، يلي حكينا معه عن الأحداث السورية بهي السنة، وكيف ممكن يقرا التطورات السياسية المستقبلية، اسمعوا معنا هاد اللقاء المميز مع السيد سمير سعيفان

شو صار معنا بهي السنة؟ شو أبرز التغيرات والأحداث السياسية يلي صارت بسوريا والدول المحيطة فيها، وشو أبرز الأحداث بالعالم وكيف رح تأثر علينا؟ أسئلة بتطرحها كل الوسائل الإعلامية، بس نحن رح نطرحها ع طريقتنا فاسمعوا هي الحلقة من سيرة لسيرة لنتذكر مع بعض كيف كانت الـ2019

شو المواضيع اللي حكينا فيها خلال سنة ال2019 وشو أكتر الفقرات اللي حبيتوهم

كيف ممكن أولادنا وأحفادنا يشوفوا أو يكتبوا عن الأيام يلي عايشينها اليوم؟

شو هي الإنجازات الرياضية يلي ممكن يفاخر فيها السوريين أو أبناء منطقتنا بالتاريخ؟

هل في مستقبل ليروح، شوي سؤال غريب من رئيفة، تعو نسمع المنقوشة لنعرف شو القصة؟

هل فعلاً أنطوانيت ملوحي هي سيري أو أليكسا؟

لو ركبنا مركبة ورحنا على المستقبل! كيف رح يقروا عننا بالتاريخ ويتذكرونا الناس يلي بالمستقبل؟ رحلة مع عزة وهمام، لنعرف كيف ممكن يتذكرونا أهل المستقبل

قصص حب كتيرة مرت بالسنين الأخيرة، قصص خلصت بنهايات مأساوية وحزينة، وقصص عاشت لتقول لسا في مطرح للحب بهل عالم، شو هيه هي القصص؟ خلونا نسمع هي الحلقة من برنامج من سيرة لسيرة لنعرف أكتر

رح يخبرنا عمرو اليوم عن حب كرة القدم، وشو أسباب هاد العشق الفظيع لكرة القدم

مقارنة غريبة عن الحب وأغاني الحب بتعملها رئيفة بهي الفقرة من المنقوشة، خلونا نسمع لنشوف شو مخبيتلنا

ضيفة حلقة اليوم، الاخصائية النفسية رشا علوان، يلي رح نكون معها بحديث كتير ممتع عن أثر الحرب واللجوء والثورة على الحرب، اسمعوا معنا هاد الحديث الكتير ممتع مع رشا علوان

رح تحكيلنا كريستين عن الحب والهرمونات، وموضوع خطير عن إدمان الحب... شو هو إدمان الحب، لازم نسمع الفقرة لنعرف شو هو

شو يلي بيميزنا عن غيرنا، شو هو يلي بيميز الDNA السوري ؟؟ خلونا نسمع هي الحلقة مع عزة وهمام ببرنامج من سيرة لسيرة لنعرف جواب السؤال

ضيف حلقتنا لليوم الكاتب والمخرج المسرحي أنيس حمدون، يلي رح نتناقش معه بفكرة وموضوع أثر الهجرة واللجوء على الإبداع،

علوم الحمض النووي كتير تطورت خلونا نعرف شو صرنا نعرف عن حالنا بهاد العلم اليوم كعرب!

فنجان القهوة السوري طالما رافقنا بحلنا وترحالنا... شو صار بفنجان قهوتنا اليوم ببلاد الغربة ؟؟ منسمع رئيفة مع هي الفقرة من المنقوشة لنعرف أكتر

ترك الراب أثر كبير بالموجة الأولى من الربيع العربي واليوم، فشو هي ابرز هي المراحل، وشو أبرز الأسماء يلي طالعها الراب والموسيقى خلال هي الثورات، اسمعوا معنا هي الحلقة لتعرفوا أكتر

لقاءنا اليوم عن الفن والثقافة والأدب وأثرها على الثورات، مع الكاتب والصحفي السوري عمار المأمون

عن علاقة الملاعب والرياضة والمشجعين بالثورات، رح يحكيلنا عمرو بهي الحلقة من سورياضي.

للموسيىقى أثر على الصحة في شي مثبت علمياً وفي شي لسا عليه أبحاث، كريستين بفقرة اليوم من صحصح رح تحكي عن هالموضوع

اكتشفنا مع الزمن أنه كتير من مغنيي الأغاني الوطنية ما كانوا صادقين لا معنا ولا مع حالهن، بس مع الثورات استرجعنا هي الأغاني لألنا، فشو ساوينا لنرجعا، خلونا نسمع شو رح تخبرنا رئيفة بهي الفقرة من المنقوشة

كان الفن جزء كتير مهم من الحراك الثوري، ولما وعيت الأنظمة لهاد السلاح حاولت تستخدمه، فكيف استخدم كل من الثوار والأنظمة الفن، هاد الشي يلي رح يكو عنه عزة وهمام بهي الحلقة من برنامح من سيرة لسيرة.

ترك الفن أثر كبير على الاقتصاد العالمي بعد الحرب العالمية التانية، فشو كان السبب، ليرة ورا ليرة مع كارولين

جولة بيعملها إياد عن الأثار والدور السياسي يلي لعبته عبر التاريخ، سمعوا هي الفقرة من شروي غروي لتشوفوا القصص يلي مخبيها إياد

قال النظام أنه خبى الآثار مشان يحميها، بالوقت يلي كان عم يسرق الآثار، فرئيفة رح تروح برحلة على المتحف الوطني، فهل يا ترى كان النظام فعلاً عم يحمي الآثار؟

كتير من الأشياء يلي كان ممنوع الحديث عنها صار ممكن ينحكى عنها بس لسا في محرمات، عن هي المحرمات والموضوعات المسكوت عنها بيتناقشوا عزة وهمام بهي الحلقة من برنامج من سيرة لسيرة

لقاء خاص مع الفنانة مكادي نحاس ببرنامج بلا تذكرة سفر مع رئيفة المصري

سلمى بو نجرة من القائمين على برنامج في فلك الممنوع على قناة فرنسا 24، استضفناها بهي الحلقة من برنامجنا لنعرف أكتر شو يلي لسا ممنوع نحكي عنه وقديش في تحديات بتواجهنا لنكسر هي المحظورات

مصطلح المسكوت عنه هو مصطلح خاص انتقل من الدين للسياسة والثقافة، عن هاد المصطلح رح يحكيلنا شوي إياد بهي الفقرة من شروي غروي

كتير من الخفايا بتسود عالم الاقتصاد بس آل الأسد، كان عالم الاقتصاد تبعهن أقرب للمافيا، لتعرفوا شو رح تخبرنا كارولين من هالعالم اسمعوا هي الفقرة من ليرة ورا ليرة

رح نفكر مع بعض بالأحداث الكتيرة يلي عم تصير بكل الكرة الأرضية، وخاصة أنه هالسنة صار فيها مجموعة هائلة من الأحداث والمتغيرات بالعالم بيما الأنظمة السياسية لساتها على حالها! فشو الحل يا ترى ؟؟

عن التغيرات والثورات عم تصير بالعالم اليوم رح يكون حديثنا مع ضيف الحلقة السيد عبدالله الولي

كيف رح يكون شكل المنظومة الاقتصادية يلي ممكن تطلع من رحم المرحلة الحالية بعد ما يقضي النظام الرأسمالي على حاله؟

دائماً كان في شي بعالم الرياضة مرتبط بسيطرة الذكور على الرياضة، ونادراً ما كان في اهتمام بعالم المرأة بالرياضة، بس السنين الأخيرة عم نشهد تغيير كبير بهاد المجال، وهاد الشي عم ينعكس على دور المرأة لتعمل ثورة بهاد المجال.

شو هي أكتر الجمل يلي بتدايقكم لما حدا يقلكم ياها؟؟ سمنانة؟ نحفان؟ كبران؟ مختيير ؟ اسمعوا الحلقة وخبرونا شو يلي أكتر شي بيزعجكم؟

عن التقسيمات الطبقية والمجتمعية والطائفية والعرقية يلي حكمت سوريا خلال سنين طويلة، وكان من المحظور و الممنوع أنه نحكي عنها.. وينها هلق بعد ما صرنا كل حدا ببلد ؟

كيف بيأثر كل شي بيصير بسوريا على السوريين بكل مطرح، بهي الحلقة رح نحكي عن التدخل التركي على الأرض السورية، والأثر يلي عمله على كل السوريين

بتعرفوا أنه كلنا تقريباً، في جوات الحمض الوراثي تبعنا، أجزء بتنتمي لغير أعراق وغير انتماءات.

مين هي الشعوب يلي انتقلت مع تقسيماتها برا بلادها ؟

بتحكيلنا رئيفة اليوم عن الشّديات، هاد النوع من الغناء، يلي كان يصير تحضيراً للمعارك بعدين صار يتقدم بالأعراس والمناسبات الآخرى .

ضيف حلقة اليوم من شو قولك، هو الشاعر والكاتب والإعلامي نورس يكن، ويلي رح نحكي معه عن الشي يلي صار بتركيا وأثره علينا كسوريين برا وجوا سوريا، فشو قوله لنورس؟

بيحكي عمرو بهي الحلقة عن تجارب رياضية وأثر السياسة عليها بعد ما توحدت هي الدول. شو هي الدول؟!

في ناس بيوقف الزمن عندهن بلحظة وما عاد يمشي الوقت، بيعلقوا بمكان معين وزمن معين، مين هدول الناس، وليش لساته عايشين هونيك، وشو لازم يعملوا؟ لتعرفو أجوبة هي الأسئلة، اسمعوا هي المنقوشة مع رئيفة