तू माझा यजमान रामा आणि हि राम नाम नौका भवसागरी तराया (भैरवी)

89 वर्षाच्या (श्रीमती सुमन दत्तात्रय घाटे ) आजी यांनी म्हटलेले सुंदर भजन आणि भैरवी.

तू माझा यजमान रामा,

तू माझा यजमान ||धृ||

जननी जठरी रक्षियले मज,

पोसुनी पंचहि प्राण ||१||

बाहेर निघता मातेचे स्तनी,

पय केले निर्माण ||२||

ऐसे असता या पोटाची,

का करू चिंता जाण ||३||

मध्व मुनीश्वर स्वामी रमापती,

धरी माझा अभिमान ||४||

आणि

ही रामनाम नौका | भवसागरी तराया ||

मद, मोह लोभ सुसरी | किती डंखिती विषारी |

ते दुःख शांतवाया | मांत्रिक रामराया ||

सुटले अफाट वारे | मनतारू त्यात बिथरे |

त्या वादळातुनी या नेईल रामराया ||

भ्रम भोवऱ्यात अडली | नौका परी न बुडली |

धरुनी सुकाणू हाती | बसलेत रामराया ||

आम्ही सर्वही प्रवासी | जाणार दूरदेशी |

तो मार्ग दाखवाया | अधिकारी रामराया ||

हा देह नाशिवंत | जाण्यास ना समर्थ |

तारी तारी रामराया | दीनदास लागे पाया ||