Podcast Telfaz - بودكاست تلفاز

من دون حرق no spoilers مسلسلين مقتبسين من أحداث حقيقية، شخصيات حقيقية وشركات حقيقية، بس السؤال هو قديش فعلاً هالشركات حقيقية وشو هي الأكاذيب يلي لجألها أصحابها ليتمكنوا من الحصول على مبالغ استثمار لتمويل أحلامهم وطموحاتهم غير المنطقية بحكي بالحلقة عن كل مسلسل لحاله بالأول، لعرفكن على طابعهن العام، وبالآخر بعمل على المقارنة بيناتهن وأي واحد حبيت أكتر وليشwecrashed 3:30The Dropout 13:00

هي الفترة تابعت العديد من الأعمال منها مسلسلات عربية ومنها مسلسلات أجنبية، فحبيت خبركن عنها بهي الحلقة. المسلسلات هن من شارع الهرم إلى ومسلسل مع قيد التنفيذ، وبالجانب الأجنبي تابعت مسلسل أناتومي أوف إيه سكاندال ومسلسل ذا ثينغ آباوت بام من شارع الهرم إلى 5:00مع وقف التنفيذ 13:50The Thing About Pam 18:25Anatomy of A scandal 20:10

تكملة لحديثنا الأسبوع الماضي بأول حلقة لشهر رمضان، اليوم استضفت معي الصديقة والزميلة العزيزة سارة وأكيد كانت معنا جمان حكينا عن عدد من الأعمال يلي عم نتابعها بالإضافة إلى أعمال تانية كنا نحبها سابقاً كتير

حلقة بودكاست حوارية مخصصة لشهر رمضان المبارك. مناقشة أنواع الأعمال العربية والعناصر اللي ممكن تسبب ضعف لهي الإنتاجات. شو أهم المسلسلات بهي السنة ومين من الممثلين مش متواجدين بالماراثون الرمضاني

من دون حرق - No Spoilersحلقة بودكاست بجمع فيها عدد من المواضيع، بحكي أول شي عن حفل توزيع جوائز الأوسكار ومين الفائزين. بنتقل بعدها لمراجعة الفيلم الكوميدي الرومانسي ذا لوست سيتي، وبالآخر بعمل على مراجعة فيلم الآكشن والمطاردة آمبولانس. جوائز الأوسكارز 1:30فيلم ذا لوست سيتي 11:10فيلم آمبولانس 16:00

No Spoilers من دون حرق حلقة بودكاست بحكي فيها عن مسلسلين الأول هو مسلسل ذا توريست والتاني هو مسلسل ذا ثينغ أباوت بام. الفقرة يلي رح إحكي فيها عن مسلسل ذا توريس رح تكون شوي أطول من فقرة ذا ثينغ أباوت بام - لأنو ذا توريس كامل وحضرت كل حلقاته، يعني بقدر قيمه بطريقة كاملة. أما ذا ثينغ أباوت بام لسا عم تعرض حلقاته أسبوعياً - التنين من نوع جريمة ودراما، حبيتهن بس أكيد فيه حكي أكترThe Tourist 1:00The Thing About Pam 9:30

حلقة مراجعة مسلسلين على نتفليكس إنفينتينغ آنا وبيسز أوف هيربالأول ما كنت مفكرة إني أعمل مراجعة لهالعملين بصراحة، وخاصة إنفنتينغ آنا بس بعد ما حضرت مسلسل بيسز أوف هير - اقتنعت انو لازم إحكي عنهم مع بعض! أول شي لأنون على نتفليكس وتاني شي لأنو التنين حسسوني نفس الشعور - بعرف إنون ما بيشبهو بعض بالتصنيف والطابع العام، بس لما انتهيت منهن طلعو بيشبهوا بعض بالتقييم! خلوني خبركن كيفInventing Anna 4:17Pieces of Her 11:44

حلقة بودكاست لمراجعة فيلم ذا باتمان من دون سبويلرز بحكي عن أداء التمثيل من الممثل روبرت باتينسون وزوي كرافيتس وكولين فيريل وغيرهن. بحكي كمان عن رؤية المخرج لهذا العمل والأسلوب المستخدم بعرض الأحداث. وبالآخر بضم مجموعة من آراء المستمعين يلي حضروا الفيلم وشاركوني آراءهم على الإنستغرام

حلقة بودكاست جديدة بعرف فيها المستمعين على 3 مسلسلات جديدة. الحلقة بشكل عام منها حلقة مراجعة فقط، الهدف منها هو إني عرف المستمعين على هذه الأعمال لتعرفوا إذا هي من ذوقكم وعلى موودكمThree New TV Shows on Apple TV +The After Party 3:20Suspicion 8:25Severance 13:00

حلقة جديدة بحكي فيها عن رأي بفيلمين شفتهن هذا الأسبوع بالسينما، بالأول بحكي عن فيلم الجريمة والغموض ديث أون ذا نايل وبعدها بحكي عن رأي بفيلم أنتشارتد يلي رأي فيه أبداً ما كان إيجابي Death on the Nile 1:00Uncharted 8:10

حلقة بودكاست جديدة خصصتها لترشيحات جوائز الأوسكار. بحكي فيها عن المرشحين بالفئات الرئيسية، وكمان بلقي الضوء على عدد من الترشيحات المهمة بفئات تانية فرعية! لما إحكي عن الفئات والمرشحين، رح خبركن عن توقعاتي لمين حيفوز. الفئات يلي بحكي عنها هي أفضل فيلم - أفضل ممثل/ممثلة بأدوار رئيسية - أفضل ممثل/ممثلة بأدوار مساندة - وأفضل مخرج

حلقة جديدة بحكي فيها عن مجموعة مسلسلات مهمة منتظرة حيبدأ عرضها بشهر فبراير وشهر مارس، أكيد في أكتر من المسلسلات يلي حإذكرها اليوم، بس اخترت أعمال أنا شخصياً منتظرتها وأعمال تانية إلها فانز وجمهور كبير. القائمة فيها 14 مسلسل منها مسلسلات جديدة ومنها مواسم جديدة لأعمال سابقة List:Raised By wolves - season 2 - 3rd February Suspicion - Season 1 - 4th February Inventing Anna - Mini Series - 11th February Bel-Air - Season 1 - 13th FebThe Marvelous Mrs. Maisel - Season 4 - 18th February Severance - Season 1 - 18th February The Walking Dead: season 11 Part 2 - 20th February Vikings: Valhalla - 25th February Super pumped - Season 1 - 27th FebruaryKilling Eve - season 4 - 27th FebruaryThe Dropout - Mini Series - 3rd March Outlander - Season 6 - 6th MarchUpload - Season 2 - 11th March WeCrashed - Season 1 - 18th March Peaky Blinders - Season 6 - 20th MarchBridgerton - Season 2 - March 25Moonknight - Mini Series - 30th March

حلقة بودكاست جديدة لمراجعة مسلسلين على نتفليكس، الأول هو ذا وومان إن ذا هاوس ومسلسل نتفليكس الكوري أوول أوف أس آر ديد - القسم يلي بيتعلق بذا وومان إن ذا هاوس ما حيكون كتير إيجابي على عكس أوول أوف أس آر ديد - من دون سبويلرز! يعني إذا لسا ما حضرتوهن فيكن تسمعوا الحلقة لتعرفوا شو تتوقعو من هالمسلسلين The Woman in The House 1:55All of Us Are Dead 8:30

حلقة بحكي فيها عن أربعة أفلام تابعتها هذا الأسبوع على خدمات مشاهدة مختلفة من أمازون برايم وآبل بلاس ونتفليكس. بالفقرة المخصصة لفيلم نتفليكس العربي أصحاب ولا أعز حتنضم لإلي ضيفة (هويدا) ومع بعض مناقش فكرة الفيلم والهجوم يلي عم يتعرضله هذا العملBeing The Ricardos 1:30Swan Song 6:37The Tragedy of Macbeth 10:25أصحاب ولا أعز الدقيقة 14:28

حلقة خاصة بعرض فيها أهم الأفلام يلي حتصدر هذا العام، هي القائمة فيها أعمال عديدة منها أفلام أنا متشوقة لشوفها ومنها حاصلة على ضجة كبيرة من الفانز. هي الحلقة فيها موعد عرض 22 فيلم بهذا العام. وأكيد في أكتر

حلقة بودكسات بحكي فيها عن نهاية الموسم الجديد من ديكستر، الموسم ككل حلو وبيشد المشاهد ولكن النهاية فشلت للمرة التانية إنها تقدم شي بيليق بالمتابعين وبشخصية دكستر نفسها. بهي الحلقة بحكي عن الأشياء يلي ما عجبتني بالحلقة الأخيرة، وكمان بحكي عن الأسباب يلي بنظري أدت لهذا الفشل

بهي الحلقة من البودكاست وهي المرة بدل ما إحكي عن أفضل أعمال شفتها بهي السنة، رح خصص هذا الوقت لإحكي عن ممثلين حبيتون وظهروا بشخصيات فاجأتني وقدموا أداء تمثيلي مميز بالنسبة إلي

توديعاً لعام 2021 خصصت هالحلقة، يلي بحكي فيها عن التوب 5 أفضل مسلسلات تابعتها هذا العام وكمان التوب 5 أسوأ مسلسلات تابعتها بهذا العام.

حلقة بحكي فيها عن ثلاثية أفلام ذا ماتريكس، ملخص عن الأحداث يلي صارت فيها وبقدم رأي بهالأفلام. وكمان بعمل على مراجعة فيلم ذا ماتريكس 4 الجديد ملخص الأفلام السابقة الدقيقة 2:16رأي بالأفلام التلاتة الدقيقة 6:22مراجعة ذا ماتريكس 4 الدقيقة 11:10

حلقة بودكاست من دون سبويلرز بحكي فيها عن فيلم سبايدرمان نو واي هوم. شو الأشياء يلي كانت حلوة بالفلم؟ مين الشخصيات يلي عجبتني؟ كيف كانت تجربة مشاهدتي لإلو.

هي الحلقة موجهة بالتحديد لمتابعي مسلسل ذا ويتشر! للأشخاص يلي شاهدوا ذا ويتشر من قبل عامين لما صدر، ونسيانيين شوي من الأحداث يلي صارت، بهي الحلقة حإحكي عن أهم الأحداث السابقة وكمان ممكن تساعد بعض المستمعين على ترتيب الأحداث بالتسلسل الزمني الصحيح. بعدين حإنتقل لأحكي عن نهاية الموسم الأول! ووين الأحداث الأخيرة تركت الشخصيات الرئيسيةبتمنى حلقة البودكاست تعجبكن، وإذا حبيتوها دعموني بلايك وكومنتات على الخدمات يلي بتسمعوا الحلقات عليها

حلقة بحكي فيها عن فيلمين من إنتاجات نتفليكس الأصلية ذا باور أوف ذا دوغ من بطولة بينيديكت كامبرباتش وفيلم بروزد من بطولة هالي بيري. بعرّف المستمعين على الطابع العام لهي الأفلام إذا لسا ما شفتوها. وعلى السريع بحكي عن فيلم إسكيب روم. The Power of The Dog 1:20Bruised 9:17Escape Room 12:34

حلقة بودكاست بحكي فيها عن مسلسل نتفليكس المستند من لعبة فيديو غيم آركين ليغ أوف ليجيندز، بهي الحلقة الطابع العام يلي فيها إيجابي كتير لأنو هذا أفضل مسلسل شاهدته بآخر كم سنة!

حلقة حوارية بعرّف فيها المستمعين على عملين من نوع الرومانس والدراما، الحلقة فيها قسمين الأول بقدم العملين بشكل عام والقسم التاني بستضيف (جمان وهويدا) ومع بعض مناقش أعمال الحب والرومانس وفكرة العلاقات بالوقت المعاصر.

حلقة بعرّف فيها المستمعين على مسلسلين عم يعرضو على نتفليكس وصدروا حديثاًهيلباوند الكوري الدقيقة 1:05مسلسل كاوبوي بيبوب الدقيقة 6:30

حلقة بحكي فيها عن عدد من الأفلام يلي ما تابعتها أول ما نزلت وحضرتها حديثاً وحبيت قدم للمستمعين رأي الشخصي فيها! الحلقة فيها سبويلرز وبعطي فيها رأي بصراحة تامة.فيلم مولان الدقيقة 1:26فيلم ذا فاذر الدقيقة 9:35فيلم بلاك ويدو الدقيقة 15:00

حلقة بودكاست لمراجعة فيلم نتفليكس الجديد رد نوتس من بطولة ذا روك وريان رينولدز وغال غادوتوكمان مراجعة الموسم التالت من مسلسل ييو الموسم 3 من مسلسل ييو الدقيقة 1:30فيلم رد نوتيس الدقيقة 10:00New podcast Episode to review Netflix's new film Red Notice and Season 3 of You Tv ShowYou season 3 minute 1:30Red Notice 10:00

حلقة بودكاست بحكي فيها عن أهم الأحداث يلي صارت بمسلسل دكستر بالمواسم الثمانية السابقةوبقدم للمستمعين معلومات عامة عن الموسم الجديد بالإضافة إلى مراجعة الحلقة الأولى من الموسم التاسع الجديد وشو صار مع دكستر بعد نهاية الموسم التامن

حلقة بودكاست بحكي فيها عن أكتر 5 أفلام رعب خوفوني بحياتيلأنو الرعب هو من أكتر الأعمال المفضلة عندي، فبهي الحلقة حكيت عن العديد من الأعمال بشكل مختصر، هذا بالإضافة إلى التحدث عن أكتر 5 أفلام رعب تمكنت من إنها تخوفني بشكل كبير.

حلقة بودكاست جديدة خصصتها لعملين تابعتهن من قبل فترة وعجبوني، وحبيت إحكي عنهن لأنو ما حصلوا على الشهرة يلي بيستحقوها! المسلسل الأول هو هيلز والمسلسل التاني هو ذا آكت مسلسل هيلز الدقيقة 1:50مسلسل ذا آكت الدقيقة 11:20Heels minute 1:50The Act minute 11:20

حلقة بودكاست حوارية جديدة لمراجعة مجموعة أعمال تابعناها هذا الأسبوع وأهم فيلمين صدروا حديثاً معي بالحلقة ضيفتين: جمان وهويدا أنا حإحكي عن مسلسل أمازون برايم سنيكي بيت الدقيقة 3:45 جمان حتحكي عن مسلسل نتفليكس الكوري دي بي الدقيقة 5:51وكمان جمان حتحكي عن مسلسل نتفليكس الكوري هومتاون تشا تشا تشا الدقيقة 7:45هويدا حتكي عن فيلم ديون الدقيقة 11:03ومع بعض كلنا حنعمل على مناقشة فيلم فينوم الدقيقة 24:57

حلقة بودكاست بحكي فيها عن عدد من الأعمال يلي تابعتها خلال الأسبوع الماضيمسلسل نتفليكس ميدنايت ماس أو قداس منتصف الليل. الدقيقة 1:19فيلم نتفليكس ذا غيلتي (المذنب). الدقيقة 9:05الحلقة الأخيرة من الموسم التاني لمسلسل تد لاسو. الدقيقة 13:50مسلسل بيغ سكاي (على خدمة شاهد). الدقيقة 16:22

حلقة جديدة بناقش فيها مسلسل نتفليكس الكوري سكويد غايم لعبة الحبار - ومعي بالحلقة ضيفة مميزة من أشد المحبين للأعمال الكورية.بالرغم من إعجابنا بالمسلسل إلا إنو كان في نقاط ضعف وبالحلقة رح نعمل على مناقشة العناصر القوية والضعيفة.

مراجعة مسلسل ذا وايت لوتس. واحد من الأعمال يلي بيطغى عليها الطابع الأمريكي بشكل كبير. حلقة بودكاست بحكي فيها عن فكرة المسلسل لوضح للمستمعين شو طبيعته وفكرته قبل ما تابعوه وتلتزمو فيه!

حلقة بودكاست مخصصة للمسلسل الكوميدي اللي ترشح لـ20 جائزة إيمي وحصل على 7 منها هذا العام مسلسل تيد لاسو.العمل من نوع كوميدي درامي بيدور حول مدرب كرة قدم أمريكية انطلق لبريطانيا لتدريب منتخب كرة قدم. عمل رائع وبيستحق المتابعة! اسمعوا الحلقة فيها كتير تفاصيل.

حلقة بودكاست خاصة بحكي فيها عن المرشحين لجوائز الإيمي 2021. من مسلسلات وممثلين بالفئات الرئيسية.

بهي الحلقة رح إحكي عن مسلسل كنت متوقعة يفاجئني ويكون حلو! لكتير أسباب كنت متوقعة هذا الشي ورح اشرح هذا الموضوع بالحلقة! المسلسل هو ناين بيرفكت سترينجرز.. وهو مستند من كتاب بنفس العنوان للكاتبة ليان موريارتي التي ألفت كتاب بيغ ليتيل لايز. ويمكن هذا أول سبب لتوقعاتي العاليةالعمل من نوغ غموض وإثارة ودراما وبيناسب المشاهدين فوق الـ18

حلقة بودكاست جديدة بالعربي لمراجعة مسلسل نتفليكس الأردني مدرسة الروابي للبنات. هذا الأسبوع كنت ضيفة ببرنامج بودكاست من الأول! وناقشنا المسلسل بتفاصيله... بهي الحلقة رح إعرض بعض المقاطع من الحلقة المشتركة. مدرسة الروابي للبنات IMDb 7.4بودكاست تلفاز 57%

حلقة بودكاست جديدة حإحكي فيها عن مسلسل يمكن تأخرت شوي بمراجعته، بس من أول ما انتهى عرضه كنت حابة إحكي عنه وهو مسلسل لوكي... بهي الحلقة حإحكي عن رأي الشخصي فيه، وشو هو العامل يلي فعلاً كان مميز! المسلسل صدر بشهر ستة هذا العام ومكون من ستة حلقات. وهو من نوع الأكشن والخيال والمغامرة يلي بيرافق سيد الخداع والمكر لوكي… وتم تجديده لموسم تاني! 75% تقييمي الشخصي لمسلسل لوكي هو70% لعامل القصة75% لعامل التمثيل80% لعامل النهاية

حلقة بودكاست مخصصة لمراجعة مسلسل نتفليكس الإسباني ذا إنوسينت (البريء). بالمختصر المسلسل ما نال إعجابي، ولكن في الكتير من الأشخاص عجبهن كتير. بهي الحلقة من البرنامج رح إحكي عن العوامل يلي بوجهة نظري كانت سبب ضعف.

حلقة بودكاست بالعربي بعمل فيها على مراجعة مسلسل Upload، العمل من إنتاح أمازون برايم وتم عرضه لأول مرة بالـ2020

حلقة بودكاست لمراجعة فيلم الرعب والإثارة مكان هادئ الجزء الثاني. من بطولة إيميلي بلانت وميليسنت سيموندز وكيليان مورفي، ومن إخراج جون كراسينسكي.

حلقة بودكاست مخصصة لمراجعة ثلاثية أفلام ذا كونجورينج. القسم الأول بتناول العناصر يلي بتميز أفلام كونجورينج عن غيرها من أفلام الرعب، والقسم الثاني بعمل فيه على مراجعة الجزء الثالث يلي صدر صدر حديثاً بالسينما. New podcast episode that reviews The Conjuring films. First half of the episode will contain the elements that make this trilogy different than other horror movies, and second half of the episode I'll review The third and the latest installment The Conjuring The Devil Made Me Do It.

حلقة بودكاست مخصصة لمسلسل الأنيميتد كوميكس إنفنسيبل. يوجد العديد من العوامل يلي بتميز هذا المسلسل عن غيره من نفس النوع!

.حلقة بودكاست جديدة بالعربي مخصصة لمراجعة مسلسل كايت وينسلت الجديد من إنتاج (إتش بي أو) بعنوان مير أوف إيست تاونNew podcast episode, reviewing HBO's TV show Mare of Easttown, starring Kate Winslet.

حلقة بودكاست جديدة مخصصة لمراجعة مسلسل نتفليكس مايندهانتر. مسلسل جريمة وتحقيق نفسي مستند من أحداث واقعية بالسبعينات. مسلسل جميل وبيعتمد على العوامل النفسية والحوارات العميقة.

شو الاسباب اللي ممكن تخلي الشخص يتخلى عن مسلسل ويتوقف عن متابعته!! في العديد من الأسباب لهذا الشي… وبهي الحلقة رح إطراء للبعض منها.. السبب إني اخترت هذا الموضوع لهي الحلقة لأنو هذا الشي يلي صار معي بحالة مسلسلنا لهذا الأسبوع وهو مسلسل آوتلاندر! مشان ما تفهموني خطأ من البداية، وتفكرو إنو المسلسل ليس جدير بالمتابعة، لأ،، فأنا شخصياً تابعتو للموسم الثالث… ولهذا السبب رح احكي عن تجربتي الشخصية مع آوتلاندر وشو هي الأشياء يلي فعلاً حلوة وعجبتني، وما هي الأمور يلي خلتني أتخلى عن متابعته!!

حلقة مختلفة عن الحلقات السابقة، بتناول فيها أهمية التلفزيون والمسلسلات التلفزيونية. وأهمية مراجعة ومناقشة ومدح المحتوى التلفزيوني.

حلقة بودكاست جديدة مخصصة لمراجعة مسلسل ذا هاندميدز تيلالمسلسل من نوع الدراما البحتة - بتدور احداثه بالمستقبل بوقت بتنتهي فيه الحضارة الأمريكية وبيجي مكانها حكومة دينية متزمتة وبيطلقوا على حالون اسم دولة غيلياد. هي الدولة بتعامل المرأة بشكل ظالم للغاية، وبتحجم دورها بالمجتمع وبيصغرها، ليكون السلطة والكلمة المطلقة للرجال…

حلقة بودكاست مخصصة لمراجعة ومناقشة مسلسل Your Honor (فخامتك) هذا المسلسل من بطولة براين كرانستون بطل مسلسل بريكينغ باد بشخصية والتر وايت. مسلسل يور أونور درامي وتشويق للمشاهدين فوق 18. بالفكرة العامة للمسلسل فهو بيدور حول شخصية القاضي مايكل ديسياتو يلي بتنقلب حياته وبيقع بمعضلة أخلاقية، بعد تورط ابنه آدم بحادثة أودت بحياة شاب يدعى روكو باكستر، وبتبدأ محاولات الوالد اليائسة لحماية ابنه وإخفاء آثار الحادثة