獨角播

今集好榮幸請到我哋 Podcast 界嘅同行， 《職涯把把脈》嘅 Jessica 同 Kelvin，多謝過嚟同我哋一齊玩啊～

今集阿邦會被 Cheryl 大爆佢當年參加 Speed Dating 嘅黑材料，太尷尬了吧～

無自信嘅男仔，係咪就無可能追到高質素嘅女仔呢？ 未必嘅，Cheryl 今集就會過大家幾招，想知嘅，就唔好錯過喇～

點解 Cherly 好搞唔搞，會想搞Speed Dating？ 梗係有原因啦，今集佢就會話你知～

以前啲人鍾意相睇，依家啲人就鍾意 Tinder，但係唔理型式有咩唔同，男女配對從來都係大生意、大茶飯。 今集我哋就請到早十年已經開始搞 Speed Dating 嘅Cheryl，分享一下佢做現代紅娘嘅趣聞。

訪問一位嘉賓訪問到一連六集，今次都算係我哋《獨⻆播》破天荒第一次喇，無他嘅，因為同 Emerald 傾偈真係好開心。 最後一集，不如問吓 Emerald 點入行做動漫吖？ 又或者退後一步，Emerald 又鼓唔鼓勵年青人入行呢？究竟呢個行業係前景一片大好，定係會令人餓死老婆瘟臭屋呢？有志入行嘅年青人，聽完再決定未遲啦～

上集 Emerald 講到動漫，搞到我哋咁多位長唔大嘅主持都好雀躍，好興奮，係咁問，問到唔肯俾人走，咁就即管添食多一集啦。 而既然今日我哋請到位行內達人，呢一集我哋會深入少少，請 Emerald 講吓現時動漫呢個產業嘅發展方向，亦會講吓香港喺世界動漫業又有咩角色呢？如果你都對世界動漫業發展呢啲宏觀話題有興趣，今集就堅係不容錯過喇。

Emerald 除咗係占卜達人，佢仲係一個動畫達人，因為阿姐佢大學畢業出嚟社會工作，第一份工就係喺動漫行業發展。 動漫，相信我哋香港人都會睇過，但係真係入行做嘅，就應該無咩邊幾個。究竟動漫行業入面嘅情況係點㗎呢？今集就由Emerald為大家解開呢個神秘面紗啦～

過去兩集講完玄學占卜，今集又講吓另一個現今香港人都可有興趣嘅健康問題，辟穀～ 不妨問吓自己，你最長可以唔食嘢幾耐？一日？兩日？定係五日？ Emerald唔食嘢嘅最低消費係七日! 堅呀呢，咁其實係咪咁難㗎呢？今集Emerald慢慢同你剖析～

正所謂「大難不死，必有後福」，當Emerald跨過咗佢人生嘅一個大劫，佢面對生死就有更大嘅體悟。呢份體悟，亦不經意的讓佢在追尋玄學嘅道路上越走越遠，越專，越精進。

獨角播一直都會邀請有趣嘅朋友嚟分享佢哋有趣嘅人生經歷，今次就更加係Kinder出奇蛋，一次過滿足哂你三個願望，因為今集嘅嘉賓真係周身刀，把把利，既是占星師，又是辟穀師，更是動畫大師～ 第一集，我哋都係Warm-up一輪先，咁就先八卦一下，由占星開始說起吧～

去到「躺平主義」第三集，呢個命題嘅方方面面都談了，但係問題提出嚟之後，都要執番手尾，提番啲解決方案，先叫有手尾㗎嘛。 好，大家一於聽吓今集我哋呢三位主持各自會有咩 Solutions 先？

上集三位主持講咗「躺平主義」嘅背景，今次阿七老師Show Quali，嘗試吓哲學角度去分析吓呢個命題，好精彩啊～

今次我哋三位主持 (阿邦、阿丙同阿七老師) 唔訪問嘉賓，話要自己人三個吹吓水。 咁究竟傾咩好呢？ Master 讀 Philosphy 嘅阿七老師果然係才女，揀咗個好 Inspiring 嘅題目同大家吹吓，就係時下好多人傾嘅「躺平主義」！ 究竟佢哋三個今次傾得有幾口水花四濺呢？即刻Click入嚟聽吓啦！

大家都知道，行走江湖廿多年嘅刁大佬近年開始寫作，今年初更出版了暢銷書《刁佬正傳》，第一版火速沽清，加印在即亦正籌備出版第二冊。 有看過《刁佬正傳》嘅朋友，就會發現大佬佢嘅文字和坊間一般俾冧巴你嘅「講股佬」好唔同，佢唔講冧巴，但會講故事；佢唔講今年熱炒嘅科網股王，但會從2000年TOM.COM科網股爆破起，講番呢廿年新興股發展嘅興衰史； 佢唔會講恒指年底會上到邊個位，但會同你分析世界格局，國力走向，字裏行間仲會教你安生立命，待人接物，提提你搵錢之餘，仲要有底線，同埋要有夢想，實為比「講股佬」含金量更高，更有智慧嘅「講故佬」。 一年五集，呢位充滿江湖氣嘅暢銷書作家和我們暢談綜論江湖人、江湖事、仲有江湖情，我哋一眾主持獲益良多，自然要講吓我哋嘅感想，點知一講就講咗半個鐘，長氣到可能刁大佬都會聽到訓著，不過都是肺腑之言，真情剖白。 再次感謝刁大佬不嫌我哋「獨角播」店小，百忙之中接受我哋訪問，盼日後再能跟大佬你笑傲江湖，遊戲人間～ #刁佬 #podcast #sutf #standuptaskforce #獨角秀 https://podcasts.apple.com/us/podcast/獨角播-第57集-專訪刁佬-part-five-2021-0806/id1531593129?i=1000530991488

過去三集出街後，好多朋友都話好鍾意刁大佬金句連連，又話好欣賞佢話語中充滿智慧。如果你都好鍾意，咁今集絕對係為你而設，因為今集大佬金句一蘿蘿，好似「低頭唔見抬頭見你」、「生意不在人情在」、「迫於無奈要同人講啲血淋淋嘅真相，講完都記住要好來好去，幫人抺番身上嘅狗血先好走」、「財務自由唔係講你可以買到幾多嘢，係講你可以有權唔做呢單嘢」、「鍾意一個人係個套餐嚟嘅，鍾意得佢嘅優點，亦要包容到佢嘅缺點」、「世上無難事，只要肯跪低」、「 呢個世界最難處理嘅係人心」… 單看金句已經咁精彩，聽埋背後嘅故事仲得了？仲等？快啲Click入嚟聽吓刁大佬同大家娓娓道來啦。 另外，今集仲有阿七老師同刁大佬抽吓塔羅牌，仲一解解咗三條題，究竟大佬問咗邊三條問題，而阿七老師又占出咩嘢答案呢？唔講咁多喇我，自己聽啦～ #刁佬 #podcast #sutf #standuptaskforce #獨角秀

上兩集聽刁大佬講到刁界風光嘅時候可以好風光，單單刁億億聲好好聽，搞到好多朋友都話咩呢行咁荀？PM問究竟點入行。 但係世上邊有一個產業係永遠順風順水，唔憂無得做㗎？有你都唔好信啦。 無錯，正如刁大佬之前所講，就係因為刁界單單刁都億億聲，成功時自然風光明媚，失敗嘅時候都可以好折墮坎坷，今集刁大佬就同大家講吓刁界可以幾咁坎呵。有志入行嘅年青人，真係要接受到先好入行啊。 當然船到橋頭見「林夕」，世上無坑係跨唔過嘅，喺刁界縱横差唔多三十年嘅大佬亦自然有佢嘅獨到心法，令自己可以無論順境逆境都從容應對，想學番幾招傍吓身嘅朋友，今集一定不容錯過喇～ #刁佬 #podcast #sutf #standuptaskforce #獨角秀 https://podcasts.apple.com/us/podcast/獨角播-第55集-專訪刁佬-part-three-2021-0723/id1531593129?i=1000529706703

今日刁大佬風光 (同創意) 無限，每日經大哥佢手嘅刁唔上億都過千萬，究意佢一身武藝係如何練成嘅呢？ 係咪因為佢天生骨骼精奇，定係細個遇上咩嘢高人俾咗本「無字天書」佢，令佢打通任督二脈呢？ 無咁神怪，原來大佬佢嘅成功之道係兩個字：「窮L」。 無錯，世間之大道，無「窮」不破! 如果各位朋友都想出人頭地，但係老豆又唔係李嘉誠，唔駛灰心喎，話唔定「窮」係你個Blessing 呢。 今集刁大佬會同你講佢獅子山下嘅奮鬥故事，教你點樣通過喺屋村「派財神」，喺士多執水汽水樽，喺單車徑邊賣冰條，累積Close刁之法與「FBI讀心術」，再進以探討國際財金格局，論盡香港、紐約、倫敦各大刁場，聽後包保你熱血沸騰又洗滌心靈！仲等，㩒入嚟聽啦～ #刁佬 #podcast #sutf #standuptaskforce #獨角秀

近年文壇上出現咗位財金專欄作家，以文筆辛辣，角度刁轉，觀點精闢著稱，但同賭神一樣，佢為人低調，背景神秘，市場只知佢係 “遊走在中環黑白之間，自覺是個穿著西裝的古惑仔，在波詭雲譎的金融市場中，鑽研刀不血刃的秘訣“。但究竟大哥佢係何方神聖？坊間眾說紛紜。 今次獨角播真係有天大的面子，竟然請到刁佬現“聲”說法，不但為我們細數香港金融市場古與今，仲同大家分享埋自己嘅前世今生！ 我知呢度好多刁佬Fans，唔好等喇，快啲㩒入嚟聽啦！ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG 刁佬Facebook: https://www.facebook.com/hongkongdealo #刁佬 #podcast #sutf #standuptaskforce #獨角秀

一般人看相，窮一生之力，也可能只相盡香港九龍新界各方人士。但因為一個機緣，短短兩三年，傅老師有機會閱遍大江南江眾生相，亦令我哋今日有幸可以聽到老師娓娓道來，何解福建人不看骨，四川人不看眼，山東人不看腰圓背厚，雲南人則不看鼻。究竟係咩機緣咁犀利？黎到最後一集，師父咩都話哂過你知。 除了面相，今集傅老師父仲同阿七老師大談梅花術數，八卦易經。至於想知傅老師黎緊有咩大計，來年有咩發展？追隨開老師嘅弟子就更不容錯過今次專訪系列的最後一集了! 最後再次多謝傅老師大駕光臨我哋獨角播，一連五為為我哋無私分享，相信過去一個月喺 Podcast 收聽嘅聽眾都獲益良多吧！ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG #玄學大師 #傅樂天老師 #podcast #sutf #standuptaskforce #獨角秀

對上三集反應好好, 好多朋友都話好鍾意聽傅老師講故事, 如果你都咁鍾意, 今集應該會係大滿足, 因為老師會圍繞住以下三個話題再同我地分享咗好多精彩故事: 1. 學玄學點解心術要正? 2. 命運能否改變？ 3. 前世係咪會影響今生? 4. 諸事不順係咪應該拜拜神? 5. "佛法無邊" 係咩意思? 大家有緣人快啲坐定定, 聽老師講課啦~ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG #玄學大師 #傅樂天老師 #podcast #sutf #standuptaskforce #獨角秀

黎到第三集, 見傅老師傾得興起，我地又問深啲喇！好，今集一於問吓老師究竟佢係點入行先！ 換番老師嘅Wording，究竟佢係點走上呢條不歸路呢？ 奇人當然會遇上奇事，只係估唔到奇到咁曲折離奇。可以咁講，成件事唔單只扑朔迷離，仲九死一生。吓？係咪咁誇呀？ Well，如果大家聽完師父今集講嘅故事，一定會同意我呢八個字評語絕無誇大成份。 唔信？入黎聽吓啦，不過大家要有心理準備，當中有幾個位會幾驚嚇，心血少嘅朋友要搵人陪住聽啊～ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG #玄學大師 #傅樂天老師 #podcast #sutf #standuptaskforce #獨角秀

第二集, Warm up 完, 我地要孖住傅老師直奔主題喇! 今集傅老師一口氣同我地 Walk Through 咗以下玄學問題： 1. 究竟一個人嘅眼神, 可以睇到佢邊六樣內心世界呢? 2. 咩係孩子眼? 如果朋友當中有孩人眼, 我地可以點幫佢呢? 3. 氣色係點睇㗎呢? 睇氣色又係咪要喺特定時晨睇先準㗎呢？ 4. 人生苦難多，凡人一般有幾多種包袱呢? 5. 唔睇樣, 淨聽聲, 可唔可以聽得出呢個人嘅命呢? 6. 講嘢應該要有尾音好吖, 定係無尾音好呢? 雞仔聲嘅人，好命多，定苦命多呢？ 7. 玄學大師幫人指點迷津，算唔算係洩漏天機？ 8. 未來嘅嘢知得太多，又會唔會有唔好嘅嘢發生？ 呢推問題係咪好精彩呢？答案仲精彩呀！ 唔好等喇，即刻㩒入黎聽啦，Enjoy～ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG #玄學大師 #傅樂天老師 #podcast #sutf #standuptaskforce #獨角秀

中華文化博大精深，受四海推崇，其中大成者，除咗麻雀，就係玄學。 講到面相風水，紫微八字，易經陰陽，五行八卦，究竟係怪力亂神，信則有，不信則無？ 定係真係一命二運三風水，冥冥之中自有主宰呢？ 新嘅系列，我地獨角播好榮幸請到阿邦同無涯跟隨多年嘅面相恩師，玄學大師傅樂天老師大駕光臨，指導各方善男信女！ 一連五集訪問傅老師嘅第一集，先講講我哋認識老師嘅緣份先! 各位喜歡玄學嘅朋友，實不容錯過，Enjoy～ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG #玄學大師 #傅樂天老師 #podcast #sutf #standuptaskforce #獨角秀

今集黎到專訪 MC Cindy 嘅最後一集，我哋獨角秀御用商學院學人史提芬老師要爆喇。佢會即席以喜賓 Cindy 做例子，同大家講吓咩係 Introvert，咩係 Extrovert, 同埋咩係夾雜喺兩者中間，咸淡水交界嘅 Ambivert～ 我哋亦會講吓今日嘅 Social Media，點樣可以推廣吓我哋嘅Business。話哂在坐都有三個 Facebook 版主，究竟佢地出 Post 嘅時候，係抱住咩心態嘅呢？係咪 Day One 就可以咁霸氣叫人幫手 Share Comment & Like嘅呢？定係都有猶抱琵琶半遮面嘅時候呢？唉，當中辛酸真係不為外人道呀… 最後亦要再次多謝 MC Cindy 大駕光臨我哋獨角播，真係要學新人講聲：酒微菜薄，招呼唔到，飲杯！ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG MC Cindy Ng - 婚禮司儀及專業司儀服務Facebook：https://www.facebook.com/McCindyNg?locale=zh_TW #婚宴MC #女神Cindy #podcast #sutf #standuptaskforce #獨角秀

黎到專訪 MC Cindy 嘅第四集，一於搞搞新意思！我地今集《獨角播》首次為大家獨家呈獻新環節：獨。角。占！ 獨角占，顧名思義，就係喺《獨角播》，由阿七老師同嘉賓玩占卜，為佢地問前程！ 唔講唔知，MC Cindy 係從來未求神問卜過㗎喎，今次就咁俾咗第一次阿七老師，咁阿七老師係咪要封番張老毛俾人地呢？ 由於阿七老師平時收費太貴，今次我地會盡情剝削佢，俾 MC Cindy 免費問咗四條問題。究竟呢四條問題係咩呢？我地由能否從中一窺佢嘅內心世界呢？ 唔好等喇，今集為大家揭曉！ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG MC Cindy Ng - 婚禮司儀及專業司儀服務Facebook：https://www.facebook.com/McCindyNg?locale=zh_TW #婚宴MC #女神Cindy #podcast #sutf #standuptaskforce #獨角秀

正如羅馬唔係一日建成，仙氣MC都唔係上一兩次台演出就能夠誕生嘅。Cindy 第一次做婚宴 MC， 都有蝦碌又不堪回首嘅時候，今日見你地都係自己人，就豁出去，即管分享幾段黑材料俾大家聽啦。 時吓婚宴興播歌，小鳯姐嘅《喜氣洋洋》自然係Top Pick啦。之但係年中都間唔時有啲新人，好百無禁忌咁揀啲如《That’s Why You Go Away》或《 My Heart Will Go On》嘅金曲。喺呢個時候，八面玲瓏嘅 MC Cindy 又點力挽狂瀾，幫手把關，請皇上收回成命呢？今集亦會同大家剖析一下！ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG MC Cindy Ng - 婚禮司儀及專業司儀服務Facebook：https://www.facebook.com/McCindyNg?locale=zh_TW #婚宴MC #女神Cindy #podcast #sutf #standuptaskforce #獨角秀

初步認識過後， 黎到第二集，MC女神Cindy將會為我地一窺婚宴嘅奧秘! 究竟幾多分貝嘅掌聲先堪稱 “最熱烈嘅掌聲呢”？ 又，點 KISS 先稱得上係 “世紀” 一吻？ 再黎，點樣嘅新娘先叫做“城中最靚”？ 呢D問題要答唔難，難就難在答完又唔會得罪人，呢D先考功架，所以今集我地一於有理無理，咩都推哂俾八面玲瓏嘅MC女神答～ 另外，講到婚宴嘅流程，香港人呢廿年已發展出一套ISO9001, 就係一開始例必 “兒時片段”，食緊翅就自然會黎個 “早拍晚播”，操豬前新郎例必會講 “酒微菜薄，招呼唔到”，上魚嘅時候就一定大展歌喉，唱首 “你的名字，我的姓氏”。 但係其實呢D都係香港人現時嘅文明Practice，九十年代個Flow係野性好多㗎！當年係會有 "新郎食提子，蒙眼摸手仔" 㗎！成件事到底有幾猖狂？今集會有中佬阿邦同阿丙，加上見多識廣嘅阿七老師，為大家回到過去，一齊睇真D！ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG MC Cindy Ng - 婚禮司儀及專業司儀服務Facebook：https://www.facebook.com/McCindyNg?locale=zh_TW #婚宴MC #女神Cindy #podcast #sutf #standuptaskforce #獨角秀

今集係新一個專訪系列，繼訪問完塔羅女神阿七老師後，我地獨角播好榮幸訪問到另一位女神：MC女神Cindy！ 有聽開我地獨角播嘅朋友，都知我地第一集通常會同嘉賓無定向咁吹吓水，Warm Up 吓先。對住一個咁 Talk 得嘅 MC 女神，我地今次嘅吹水範圍，自然涉獵廣泛，亦不經意咁 Link 咗好多香港過去廿年嘅流行用語兼集体回憶，包括 “名將壽司”，“打大佬”，“招莊” “坐定粒六” 等等等等，老香港嘅你，又點能夠錯過呢～ 另外，作為專業嘅MC，大方得体，口齒伶俐就基本㗎啦。之但係我地 Cindy女神，仲有一個殺手鐧，就係面面俱圓嘅佢，豬乸都可以讚到變公主。今集佢就略顯身手，將我地其中一個中坑主持讚到天上有，地下無，令到當事人相當爽歪歪之餘，評語亦不失中肯和公道。想睇吓 Cindy 呢方面嘅超卓本事，今集大家可以偷吓師喇～ 最後，我地亦再次請來台中 Mandy 幫我地做 Opening，亦有阿七老師首度做我地長駐主持，當然唔少得小鮮肉史提芬同老鮮肉阿丙啦。呢個陣容，係咪齋聽都唔講得笑先？唔好等喇，入黎聽啦！ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG MC Cindy Ng - 婚禮司儀及專業司儀服務Facebook：https://www.facebook.com/McCindyNg?locale=zh_TW #婚宴MC #女神Cindy #podcast #sutf #standuptaskforce #獨角秀

去到專訪塔羅占卜師阿七老師嘅最後一集，正所謂 “咁近城隍廟”，又點可以唔求番支好簽呢？所以今次犀利喇，阿七老師會即席幫我地獨角秀占吓前程喎！ 究竟我哋獨角秀幾時紅呢？究竟我地應該多D海外發展，定係都係重點發展番本地市場先呢？究竟PC兄點解咁受台灣女觀眾歡迎呢？呢D問題今集都會有答案！ 一連五集，唔容易呀，多謝阿七老師同我地玩咗咁多集！ 係咪有D唔捨得阿七老師呢？唔駛擔心，由下一集開始，阿七老師將會成為我地長駐主持！鍾意阿七老師嘅朋友，請繼續收聽我地《獨角播》喇～ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG 阿七FB： https://www.facebook.com/luckyseventarot?locale=zh_TW 阿七網站：www.luckyseventarot.com/ 阿七塔羅店：香港九龍尖沙咀漆咸道南87-105號百利商業中心4樓433室 #塔羅牌 #阿七老師 #podcast #sutf #standuptaskforce #獨角秀

今次確係世風日下，慘無人道，要請嘉賓阿七老師幫我地做 Podcast嘅 Opening。但係唔係講笑，真係唔試唔知效果好，阿七老師嘅Opening 真係生鬼得黎又不失 Elegant 喎，呢D咪叫天生麗質囉～ 去到第四回，阿丙又要訪問吓睇過獨角秀 LIVE SHOW嘅嘉賓有咩評語喇。每次去到呢Part，阿邦都會緊張到出哂冷汗… 睇過我地 MEGA SHOW 嘅阿七老師，對我地當晚嘅表現，俾咗佢好誠實，中肯，到肉，直接，甚至係殘酷嘅評語... 老老實實，D評語係殘酷到令阿邦要重新審視自己係咪入錯 Standup 呢行 … 好彩我地仲有小鮮肉史提芬可以虜獲到阿七老師嘅歡心啫～ 十年前，阿七係個煩惱人； 十年後，阿七成為一個擺渡人。由一個凡人，成為大師，除了神秘學，還有哲學。當日和阿七老師就住哲學嘅一夕話，令阿邦呢個迷途小書僮茅塞頓開，亦促成咗今次嘅專訪。究竟阿七老師哲學壇數有幾高？聽完今集就會知㗎喇。 話哂到咗尾二果集，都係時候聽吓阿七老師點入塔羅占卜呢行喇掛。放心，阿七老師對於佢嘅入行經過，依然係知無不言，言無不盡，有志入行嘅朋友千其唔好錯過喇。 今集雜音情況有所改善，大家應該會聽得舒服好多，Enjoy～ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG 阿七FB： https://www.facebook.com/luckyseventarot?locale=zh_TW 阿七網站：www.luckyseventarot.com/ 阿七塔羅店：香港九龍尖沙咀漆咸道南87-105號百利商業中心4樓433室 #塔羅牌 #阿七老師 #podcast #sutf #standuptaskforce #獨角秀

因為無涯兄有一顆作育英才嘅心，令佢遇到一位一心想做律師嘅阿七老師。 但係要做律師，就要讀LAW，讀LAW呢，英文點都要有番少少程度掛，但係當年嘅阿七老師係個連廿六個字母都未識哂嘅小女孩喎，點解佢要做咁做？一行山，就要上喜馬拉雅山？一Start Game，就要打大佬呢？ 就係咁，當年嘅阿七小妹喊濕咗好多晚枕頭。 整。整。五。年。 果然，殺不死你就會醫好你，呢位情願從山埃找到色香味嘅小女孩，同自己講切記要爭口氣，你不要死，然後...慢慢地... 佢磨練出胸肌，腹肌，心肌 要治本必須重口味。 難怪講到呢度，一向含蓄嘅PC兄都插咗一句：“係咪應該要俾D掌聲呢？” 今日也要講吓人生，講吓選擇，講吓女人三十係咪大限。 咩話？女人三十係大限？喺呢個位，瘋子當然即刻跳出黎耍番兩套拳，幫班姐妹出番兩句聲啦，然後仲要酸酸的留下一句：“唔係個個女人三十歲前都搵到個好嘅人㗎。” 嘩，真係拳腳無眼，閃遲D都大檸樂。 最後，今集亦會技術性少少，因為PC嫂問咗一個好進階嘅問題：究竟塔羅牌係靈性嘢，潛意識，Follow Your Heart，定係咩都關事呢？ 聽咗呢集，你咪知囉。 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG 阿七FB： https://www.facebook.com/luckyseventarot?locale=zh_TW 阿七網站：www.luckyseventarot.com/ 阿七塔羅店：香港九龍尖沙咀漆咸道南87-105號百利商業中心4樓433室 #塔羅牌 #阿七老師 #podcast #sutf #standuptaskforce #獨角秀

今集係訪問阿七老師嘅第二集！ 今集我哋會要踩深少少，會問吓阿七老師點樣由一介小女子，變身成今日嘅智慧大師父。 究竟係咩原因？過來人瘋子估到喇，咪又係渣男囉! 難怪瘋子咁有共鳴嘅，人地感情經歷豐富吖嘛！ 作為我哋 SUTF 嘅南宮夫人，撞啱呢個咁得心應手嘅 Topic，自然係打爛沙盤問到篤，盡情發揮啦，最後仲問出少少火花，周地花生添，今次大家有福了～ 人生呢，最難過的莫過於二樣嘢：一係捨不得，二係求不到。喺呢兩件事面前，好多人就會出現自卑情意結，繼而怨天怨地怨空虛。從來諸事不順拜拜神，有人求簽，有人問米，阿七老師就選擇咗塔羅。 喺呢個時候，阿邦見Timing已到，就即席朗讀咗段網上潮文。先不要介意阿邦嘅朗讀技巧係咪需要改進，整篇文本身就值得一讀再讀，因為呢段文話俾我地知，其實一切執迷都係念，風景不轉心境轉，只要安頓好自己內心，就會明白命運唔係想弄人，只係佢要刻意鍛煉你身手啫 。 同華仔一樣，勤勞都是阿七老師嘅最佳老朋友。十年前，佢單純係想Overcome人家拒她於豪門外嘅嫌棄。十年後，回頭一看，佢已唔稀罕嫁入豪門，因為佢本身就已經係豪門。 自在放心裡，往事留背後。揀上今天的真命天子，阿七再也不用靠求神問卜，佢決定 Follow Her Heart，因為雖然萬物有天意，但我們有雙手。 今集亦會加插劉家傑老師嘅《英語一分鐘》，由阿丙聲演快譯通發音器，朗讀出名句 “What do you think”，再由阿七老師以一口 British Accent 糾正，相當精彩。 最後點都要講多次唔好意思，今集同第一集一樣，時不時都係有少少劍擊交錯嘅雜音，無錯，咪都係來自瘋子屋企嘅鞦韆，同埋唔知邊度黎嘅Wi-Fi問題囉。請大家再次多多包涵啊～ 獨角播 Apple Podcast Link: https://podcasts.apple.com/us/podcast/獨角播/id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG 阿七FB：https://www.facebook.com/luckyseventarot?locale=zh_TW 阿七網站：www.luckyseventarot.com/ 阿七塔羅店：香港九龍尖沙咀漆咸道南87-105號百利商業中心4樓433室 #塔羅牌 #阿七老師 #podcast #sutf #standuptaskforce #獨角秀

今集利害喇！因為據高佬丙所講，今集係《獨角播》第一億集呀！ 去到一億集，嘉賓當然唔簡單，我地好榮幸請到塔羅牌嘅大師，人靚聲甜，字字珠璣，專幫人解惑問前程，來自Lucky Seven Tarot & Astrology 嘅阿七老師！ 今集阿七老師來訪，打破咗我地《獨角播》嘅訪問長度！係！ 我地今次係一連錄足五集！內容豐富到真係想停都停唔到，至於係幾豐富？講多無謂，大家快D開黎聽啦！ 嘉賓誇啦啦，主持亦都頂瓜瓜，因為除咗長駐主持阿邦，PC兄同高佬丙外，我地仲請到PC兄嘅夫人PC嫂，滯留高雄嘅大哥大無涯兄，來自台中嘅Mandy妹，仲有(都係據阿丙所講) SUTF嘅女神瘋子！ 不過任何完美嘅嘢，難免有少少瑕疵，今次訪問都有少少可惜嘅事，就係因為瘋子頭三集都喺佢屋企嘅鞦韆度錄音(確係有D騎呢)，所以時不時都有少少雜聲，請大家多多包容～ 獨角播 Apple Podcast Link: https://podcasts.apple.com/....../%E7%8D....../id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG 阿七FB：https://www.facebook.com/luckyseventarot?locale=zh_TW 阿七網站：www.luckyseventarot.com/ 阿七塔羅店：香港九龍尖沙咀漆咸道南87-105號百利商業中心4樓433室 #塔羅牌 #阿七老師 #podcast #sutf #standuptaskforce #獨角秀

呢個時代變化好大，以前我地都慣咗由公仔箱單一接收資訊，聽咗曾江就識用美X髮彩，聽咗肥姐，就識食金X米。依家到咗 Social Media 嘅世代，任何人都可以成為 KOL，成為 Influencer，玩咩 Game 就變咗問達哥，學瑜珈就梗係搵 Coffee 啦。 當然去到今時今日，我哋嘅選擇仲係咪咁純綷，定係都係被 AI 推著走，跟著 Big Data 演算法生活流？我諗大家都心中有數。喺咁嘅大環境，個人仲可以幾有Say？ 係咪仲可以一句 “唔妥Facebook霸權” 然後移民 MeWe就可以獨善其身？ 定係Clubhouse一出，大家都只能一窩蜂從俗開 Room呢？ 而當 Product Cycle 咁短，Facebook 呢個霸主其實都唔係威咗好多年，回想番早年嘅 ICQ 同 MSN，原來佢地嘅起落亦不過十幾年，咁作為一介小小 KOL，我今日究竟要固守Facebook？轉玩Clubhouse？定係回歸YouTube呢？ 阿媽我真係好亂呀！ 唔駛咁擔心，今集 Kenny 就話俾我地知，反正世事常改變，就咪理咁多啦，總之做好 Content，做好 Branding，梳理好自己，厚積薄發，咁就咩Platform 行埋黎都搞得掂啦。 今集係心法篇，有志成為KOL嘅朋友，千初唔好錯過，Enjoy～ 獨角播 Apple Podcast Link: https://podcasts.apple.com/....../%E7%8D....../id1531593129 獨角播 Spotify Link: https://open.spotify.com/show/2PJ2lqjelQAwmmNQB6vHeG #KOL #kennytang #podcast #sutf #standuptaskforce #獨角秀

成日都話做生意要守，要等人識你，信你，呢個係做生意不可避免嘅階段。明嘅，問題係你有無能力捱到守得雲開見月明果一天啫？ 敢做敢試嘅 Kenny 就守咗幾年，呢幾年佢係點撐過黎嘅呢？一個人嘅 Mentality 要幾 Tough 先好去諗創業呢？今集 Kenny 會話個你知。 今集亦會提到我哋獨角秀係點樣認識 Kenny 呢位大孖沙，亦會講吓我地第一次去餐廳做 Open Show 就係喺老闆佢旗下嘅 Kool Kitchen 搞㗎喇。回想當初，一班食客本來諗住輕輕鬆鬆食餐飯，點知突然殺出4個茂里喺度講笑話，場面絕對係爆趣得黎又別開生面。 本來做IT，然後做Marketing，跟住又做餐廳，As Always，都係被迫上梁山。Kenny 最開初最開初嘅想法只係單純想幫班 KOL 集資通過開餐廳而搞個表演場地，反正當時有個識做餐飲嘅 Partner，計落無得輸吖。誰不知資集唔成，臨開張前個餐飲 Partner 又 Withdraw埋，真係打波先黎落雨，唔通連個天都唔鍾意我？ 但既然洗濕咗個頭，無得唔頂硬上吖，結果… 又唔錯喎！總之Be Water，Go With the Flow 啦，聽日會好天㗎喇。吓？你點知聽日會好天㗎？唔知㗎，希望在明天吖嘛。 黎到第三集，我地終於講到 KOL 係咩喇。專家就真係專家, 喺 Kenny 口中， KOL 係 Word of Mouth, 係 Andy Warhol, 係犀利哥，係Sustainability Branding，係 Micro Influencer… 無錯！今集就同大家玩認真，學術研究一下 KOL 呢個概念同背後呢個產業！ #KOL #kennytang #podcast #sutf #standuptaskforce #獨角秀

上集講到讀IT嘅 Kenny 一畢業就遇上科網股爆破，市道唔就，咪唯有轉行做Marketing囉，結果開始咗佢五年轉十份工嘅 Jumpy 歲月。 Kenny 當年其中一份工係去咗TVB幫徐小姐賣廣告，呢份工叫最長㗎喇，都只係得一年零九個月。 典解？因為細細個就想創業嘅 Kenny，Day One 就無諗過同你做一世，番工對佢黎講只係逗住人工學嘢，學滿師咪跳去第二度囉。就係咁，去到27歲，佢就開咗自己第一間 Agency 公司，然後IT 公司，然後教書，然後開餐廳，the rest is history。不過，咁早創業，除咗決心同膽色之外，仲因為一個人，一個好重要好重要嘅人。係老豆，阿媽，定係情人？大家留意歌詞喇。 但係世事又豈是一帆風順吖，尤其喺香港搞生意，無啲谷底嘢無咁生動嘅。放心，我地 SUTF 一向暗黑，今次一定打破沙盤問到篤，等大家明白，每個成功嘅男人背後，都有一個悲壯嘅故事～ #KOL #kennytang #podcast #sutf #standuptaskforce #獨角秀

KOL係咩？我諗依家都無人唔知。KOL育成師係咩？Kenny 黎緊會一連四集話俾大家知。 每年DSE (以前會考) 放榜前，都會搵當年考得唔好嘅成功人士，然後同大家講細個讀書唔好唔緊要㗎，Keep住努力就得㗎喇。Kenny就係呢種成功人士，會考Repeat，升唔到大學，但係佢唔認輸，一輪奮鬥，今時今日有三個Master Degrees，仲教埋大學，周圍做客席講師。 咁Dramatic？係真唔係呀？講吓咋係咪呀？等我地盤吓佢先～ 會考考得唔好，諗住大學讀IT，出黎搞隻Yahoo 2.0 就翻身啦，點知畢業就遇著科網股爆破，成件事真係打波先黎落雨，唔通連個天都唔鍾意我？ IT搞唔掂，就轉做Marketing，5年做10份工，無份工做得長，一聽就知唔係傳統認知嘅有為青年。但係十年後，Kenny 成為跨行業跨媒體嘅企業家，有IT公司，Agency公司，娛樂公司，餐廳，依家仲生產埋湯包，究竟一切都係偶然？定係每一步都係 Kenny 嘅悉心安排？ 今集相當精彩，尤其如果你係喺學校和職場迷網中嘅迷途小華安，呢集應該相當Inspiring。Enjoy～ #KOL #kennytang #podcast #sutf #standuptaskforce #獨角秀

今集係訪問Mora 老師嘅下集。承上集所講，Mora因為好鍾意香港廣東話文化，中學就開始睇港產片學廣東話，繼而教埋廣東話，早幾年仲聯合埋一班志同道合嘅日本人，創立咗 “港日吹水區”，全力推動香港文化，咁就幾十年。 港日兩地係多交融嘅，除咗電影電視劇呢D流行文化，工業上貿易上嘅交流亦相當頻繁，PC兄同Mora老師就分別在香港和日本從事玩具行業，講吓講吓，PC兄仲分享咗咩係日式夜總會添，希望PC嫂聽到唔好介意啦～ 日本人俾我地既印象係好有禮貌，好謙虛，明明十分才華，都會講到自己得三分，呢點從Mora老師話自己唔識講廣東話就睇到。當聽到佢講 “中伏”、 “周乜乜” 呢D咁地道嘅廣東話，一啲譚仔口音都無，道行咁高，又點可以唔同我地獨角秀一齊上台玩吓廣東話Standup先！幾經懇求下，Mora老師話Standup可以諗吓喎，放心！我地會籌備㗎喇～ 獨角播Apple Podcast Link：https://podcasts.apple.com/hk/podcast/獨角播/id1531593129 獨角播Spotify Link: https://open.spotify.com/show/2PJ2lqjelQAwmmNQB6vHeG #學廣東話 #日本 #Mora老師 #獨角播 #podcast #sutf #standuptaskforce #獨角秀

上集 Sheila 老師話廣東話呢個語言好有生命力，海外好多朋友都會學，而 Sheila 老師亦身体力行的為我們證明了台灣確係有市場。 其實市場有點只淨係喺台灣吖！今集我地獨角播好榮幸訪問到另一位海外的廣東話老師，佢就係一位在日本教廣東話的本土日本人 Mora 老師！ 今集我地同老師交流咗好多嘢，包括佢點睇香港，點睇香港電影，點睇廣東話～ 原來喺老師佢心目中，喺香港係好易被人綁架㗎... BTW，Mora老師外號係 “可愛教主”，開頭都唔係好明，但係聽完老師同我地吹水，你就可以 Feel 到佢有幾可愛，幾卡哇伊㗎喇～ 今集係一連兩集嘅第一集，ENJOY～ 獨角播Apple Podcast Link：https://podcasts.apple.com/hk/podcast/獨角播/id1531593129 獨角播Spotify Link: https://open.spotify.com/show/2PJ2lqjelQAwmmNQB6vHeG #學廣東話 #日本 #Mora老師 #獨角播 #podcast #sutf #standuptaskforce #獨角秀

聽開我哋節目嘅朋友，都知每次黎到訪問嘅最後一集，我哋都鍾意問番啲宏觀性嘅問題 (係，獨角播係好有深度㗎...)。 難得今次訪問嘅係 Sheila 老師，當然要問老師一個佢先答到嘅嚴肅問題，就係當香港不同範疇嘅文化產業都正在萎縮，外地人仲會有誘因學廣東話嗎？相信從事廣東話文化推廣嘅同業都好有興趣知答案吧。 至於2021年展望，老師就話想搞個廣東話網上平台，會把拍片，教學，文化推廣共冶一爐！好呀好呀，有咩幫手就即管吩咐我哋獨角秀喇，我地會無限量支持老師你的～ 最後亦好多謝高佬丙喺節目中不停植入獨角秀廣告，突兀得來又相當自然，TBB徐小姐都唔夠你黎呀～ 獨角播Apple Podcast Link：https://podcasts.apple.com/hk/podcast/獨角播/id1531593129 獨角播Spotify Link: https://open.spotify.com/show/2PJ2lqjelQAwmmNQB6vHeG #大家一起來學廣東話 #高雄 #台灣 #Sheila老師 #獨角播 #podcast #sutf #standuptaskforce #獨角秀

大家都應該知依家Facebook有一個好大嘅廣東話群組，就係Sheila老師主理嘅《大家一起來學廣東話》。大家未必知嘅係原來呢個群組都好耐歷史，係源於2000年代的一個雅虎討論區，後來因為雅虎退出Social Media市場，群組才轉至 Facebook 並沿用至今。 今集 Sheila 老師就提到當年被迫遷，她如何逐篇文章螞蟻搬家咁移至Facebook Page 的幸酸，好彩依家越黎越多兄弟姐妹幫手，群組終發展成今日嘅規模。 另外除咗教廣東話外，老師亦不忘熱心宣揚香港文化同撐在台的香港人，例如凡有廣東話聚會她都㨂去香港人開的港式餐廳，而當知道我地獨角秀上年到高雄表演，她更拉埋一眾學生來到支持，喺度真係要再次多謝Sheila老師！ 獨角播Apple Podcast Link：https://podcasts.apple.com/hk/podcast/獨角播/id1531593129 獨角播Spotify Link: https://open.spotify.com/show/2PJ2lqjelQAwmmNQB6vHeG #大家一起來學廣東話 #高雄 #台灣 #Sheila老師 #獨角播 #podcast #sutf #standuptaskforce #獨角秀

正所謂 “羅馬不是一日建成的”，今日桃李滿門的Sheila老師最開初又係點起步㗎呢? 有啲經歷嘅朋友就知好多事都係 “柳暗花明又一村，無心插柳柳成蔭”，好多嘢都唔係計劃可以計劃到嘅。今集Sheila老師就會講吓佢點樣無端端去咗台北讀大學，又無端端去咗高雄做翻譯，然後又轉行做酒店，跟住再因為自己太能幹太有Capacity而開始咗Part Time教吓興趣班，最後再趁住Social Media嘅第一水開拓咗台灣學廣東話嘅廣濶平台。 聽過Sheila老師嘅故事，就知如果你有夢想，就唔好等喇，努力去實踐努力去實現它吧! 獨角播Apple Podcast Link：https://podcasts.apple.com/hk/podcast/獨角播/id1531593129 獨角播Spotify Link: https://open.spotify.com/show/2PJ2lqjelQAwmmNQB6vHeG #大家一起來學廣東話 #高雄 #台灣 #Sheila老師 #獨角播 #podcast #sutf #standuptaskforce #獨角秀

香港影視業喺上個世紀八九十年代迎來黃金期，以至當年好多海外朋友都會學吓廣東話練番首廣東飲歌。 可惜時移世易，呢廿幾年香港藝能界似有啲今非昔比，年青一代可能迷K-Pop 聽 Blackpink 都未必追捧廣東歌，咁海外朋友仲會唔會學廣東話呢？ 今日我哋獨角播好榮幸請來一位早年從香港隻身到高雄，喺當地教授廣東話多年的Sheila老師。大家傾開，先知原來台灣仲有好多朋友熱愛廣東話文化㗎喎。 一連四集訪問Sheila老師嘅第一集，自然要先問吓老師點解會㨂去台灣生活，究竟當地有咩吸引到老師長住呢？台灣生活又俾到老師咩嘢感覺呢？ 有興趣台灣嘅朋友，今個系列真係不容錯過喇! 獨角播Apple Podcast Link：https://podcasts.apple.com/hk/podcast/獨角播/id1531593129 獨角播Spotify Link: https://open.spotify.com/show/2PJ2lqjelQAwmmNQB6vHeG #大家一起來學廣東話 #高雄 #台灣 #Sheila老師 #獨角播 #podcast #sutf #standuptaskforce #獨角秀

過去三集我哋同大家都一齊回顧咗 Mary 姐嘅前世今生，重溫咗佢一路走來的心路歷程。 今集就不如請教吓阿姐佢點睇香港 Standup 呢個產業啦! 又或者咁講，其實 Standup 喺香港成唔成一個產業㗎呢 (咩香港唔係淨係得金融同地產㗎咋咩)？ 另一個值得探討嘅問題，就係今時今日 Social Media 大行其道，人人都係KOL，連大台都要反樸歸真做主播帶貨，咁要喺香港做藝術 （包括 Standup）係咪應該比十年前 Mary 姐入行時易好多呢？ 如果係，咁香港係咪正迎來 Standup Comedy 嘅黃金時代呢？ 既然有前輩Mary姐喺度，當然我地又要問多兩句啦～ 好喇，假設今日Standup真係藍海，堅係商機無限，咁我地又應該點把握呢？ 所以今集我哋亦會傾吓Standup Comedian本身要具備咩嘢 Mentality ，而又要點樣先可以更進一步咁做到Producer，從以喺資金同場地等限制下仍自家 Show自己搞呢？ 有志加入 Standup 表演嘅朋友，今集絕對不容錯過! Mary棟篤笑專頁: https://www.hkmary.com Mary棟篤笑Facebook專頁: https://www.facebook.com/marycomedian 獨角播Apple Podcast Link：https://podcasts.apple.com/hk/podcast/獨角播/id1531593129 獨角播Spotify Link: https://open.spotify.com/show/2PJ2lqjelQAwmmNQB6vHeG #Mary棟篤笑 #獨角播 #podcast #sutf #standuptaskforce #獨角秀

大家都知道香港最大嘅廣東話棟篤笑組織係 Vivek 領軍嘅爆笑館，Mary姐亦係當年佢地成立嘅其中一個 Founding Member。咁究竟呢個咁有規模嘅香港 Standup 界搖籃，Day One 係點開始㗎呢？呢個組織又點樣一步一腳印咁發展到今日咁有聲有色呢？ 今集就同大家普及一下香港嘅 Standup 歷史。 另外今集亦會聽到 Mary 係好支持同業發展嘅，佢不單做表演，亦開班教Course，更扶持新進者入行，推介同業Performers，確實係一位既有實力又有胸襟嘅大姐大。 至於 Standup 都可以開班？咩Standup有得學㗎咩？梗係有! Mary姐仲要話小朋友夠4歲就可以跟佢學㗎喇，所以佢就開始咗 “小篤笑” 呢個課程。 咁疫情對課程有無影響呢？當然有。不過窮則變，變則通，Mary即刻順住個 Flow 開咗個成人 Standup Zoom Course，取名 “女子十二樂坊"，然後又進化成 “笑女團"。 見到 Mary 嘅成功歷程，確係印證到一句說話：if there is a will, there is a way。 不過今集高佬丙又講咗句說話，搞到阿邦窒咗佢一句 “食米唔知米貴"。究竟高佬丙講咗邊句離經叛道嘅說話呢？聽完今集你就知㗎喇！ Enjoy！ Mary棟篤笑專頁: https://www.hkmary.com Mary棟篤笑Facebook專頁: https://www.facebook.com/marycomedian 獨角播Apple Podcast Link：https://podcasts.apple.com/hk/podcast/獨角播/id1531593129 獨角播Spotify Link: https://open.spotify.com/show/2PJ2lqjelQAwmmNQB6vHeG #Mary棟篤笑 #獨角播 #podcast #sutf #standuptaskforce #獨角秀

好多人話做 Standup一定要講性，粗口同政治，唔係就唔成 Standup。不過唔好意思，我地獨秀就係唔講呢三樣嘢。吓!? 咁我地咪無嘢好講？ 無獨有偶，Mary都話自己唔識 (信不信由你) 講粗口，但係佢依然有好多題目，究竟佢點搵靈感，點 Craft 好篇Speech，今次阿姐佢會毫不保留咁分享你聽。 今集多術語，例如阿丙就問到咩叫 “Open Mic”。究竟 “Open Mic” 係咪即係 Open 支咪然後攞粒電出嚟呢？呢個 Gag 我覺得唔錯㗎，可惜Mary姐只報以幾聲冷笑… 術語之外，我地仲有提到會考經典範文《陳蕾士的琴箏》… 明呀，呢D老餅嘢你地班九十後係唔知㗎喇，無相干，今集會同大家普及吓香港教育歷史～ 最後，鍾意外星文化嘅朋友有福喇，究竟羅茲威爾ATV解剖外星人事件同Mary姐又有咩關係呢？今集Mary亦會同你娓娓道來。 Mary棟篤笑專頁: https://www.hkmary.com Mary棟篤笑Facebook專頁: https://www.facebook.com/marycomedian 獨角播Apple Podcast Link：https://podcasts.apple.com/hk/podcast/獨角播/id1531593129 獨角播Spotify Link: https://open.spotify.com/show/2PJ2lqjelQAwmmNQB6vHeG #Mary棟篤笑 #獨角播 #podcast #sutf #standuptaskforce #獨角秀

繼上次請到 KL Standup 界大哥大 Monti 後，獨角播再次請到重量級人物，今次我地好榮幸請到本港 Standup 界其中一個領軍人物 Mary 姐！ 今集係一連四集採訪 Mary 姐嘅第一集。暖吓身先，先問一問阿姐佢作為一位全職 Standup Comedian 前，究竟係做邊行又係讀邊科嘅呢？ 而佢原先嘅專業又點幫到佢依家做 Standup 呢？ 相信好多朋友都係 Mary 姐嘅 Fans，想知更多佢鮮為知嘅一面？今個系列就千其唔好錯過喇！ Mary棟篤笑專頁: https://www.hkmary.com Mary棟篤笑Facebook專頁: https://www.facebook.com/marycomedian 獨角播Apple Podcast Link：https://podcasts.apple.com/hk/podcast/獨角播/id1531593129 獨角播Spotify Link: https://open.spotify.com/show/2PJ2lqjelQAwmmNQB6vHeG #Mary棟篤笑 #獨角播 #podcast #sutf #standuptaskforce #獨角秀

今日黎到訪問 Monti 大哥最後一集，點都要講吓大哥佢點同我地獨角秀結緣啦係咪？ 高佬丙今集亦問咗個阿邦一直好想問但就一直唔敢問嘅問題，係咩？就係：究竟你覺得獨角秀 so far 做得好唔好呢？ 嘩，真係好擔心呀，唔知大哥點評價我地呢？如果你都想知，今集當然(又係) 不容錯過啦！ 同場加映 KC哥 2019年年頭與 Monti 和 Juliana 於大馬初見面嘅點滴。可以咁講，四海之內皆飲茶，尤其係鍾意食嘢嘅KC哥，請佢食地道嘢就啱㗎喇。 最後，再次多謝 Monti，Juliana 及 James 接受我地獨角秀專訪，今次玩得好開心，我地下年再來大馬見你地，又玩過！ #SUTF #播角播 #ilaughKL

上兩集交代咗 Monti 大哥點樣入行，遇上挫折，只好堅持，又堅持，再堅持，終至成名。 但人無千日好，花無百日紅，高手都有走下坡嘅時候，但無相干，重點係堅持，再堅持，再再堅持，終有一日會再創高峰，走出一條康莊大道。 可以咁講，Monti 大哥嘅 Standup 旅程，正正係一個既精彩又勵志嘅海賊王故事。 而同好多大師一樣，Monti “見自己，見天地，見眾生"。 從前努力打拼，今日事業有成，亦能建一派之見，自然想把自己畢生所學傳承下去，幫助晚輩後學。 因緣際會，Monti 大哥遇上了 Juliana 和 James 兩個徒弟。 兩個徒弟都內向，但勤奮，有幸得到 Monti 師父指點後，今日皆成為獨當一面的Standup演員。 一路走來，有血有淚，究竟有幾感人？今集佢地會毫不保留咁話過你知！ BTW，今集亦可以聽到三師徒點睇大家，Warm 得黎好 Sweet，糖尿病患者慎入啊～ #SUTF #播角播 #ilaughKL