Khamsa Business - خمسة بيزنس

في الحلقة دي بنستضيف عثمان عثمان (Ozzie Osman)، مهندس برمجيات بيبني منتجات تكنولوجية من أكتر من ٣٠ سنة، بدأ البرمجة وهو عنده ١٠ سنين وبعدها درس الهندسة في MIT.عثمان بيحكيلنا رحلته من تأسيس Akhbarak.net اللي وصل لأكتر من 10 مليون مستخدم، لحد قيادته لفِرق الهندسة في Quora قبل ما يشارك في تأسيس Monarch Money.

في الحلقة دي بنستضيف عبد الله هشام، صانع محتوى ورائد أعمال في مجال Amazon FBA، وبائع حقق 6 Figures وبيشتغل على السوق الأمريكي. عبد الله بيحكيلنا إزاي دخل عالم التجارة الإلكترونية، وإزاي قدر يحقق مبيعات وصلت لـ 18 ألف دولار في يوم واحد على أمازون من خلال اختيار المنتج الصح وتنفيذ استراتيجي ذكي. حسابات عبدالله: https://www.youtube.com/@UCPPd_jDljMPWltE7Jpy-MYw https://www.linkedin.com/in/abdallah-hesham-807522226/

في الحلقة دي، بنستضيف عبد الرحمن سليم، مؤسس شركة IMFND وواحد من خبراء التسويق الرقمي والنمو (Growth Hacking) في المنطقة. عبد الرحمن بيحكي رحلته اللي بدأت من الـ One Man Show في 2014، ومرت بأزمة صحية قلبت موازين حياته، لحد ما بنى منظومة تعليمية وتدريبية خدمت آلاف الطلاب والشركات وزوّد مبيعاته 60% بعد ما شال ايده من الشركة! كمان ببيشاركنا كواليس استثماراته في نفسه لتعلم الذكاء الاصطناعي، وإزاي وظفه لخدمة البزنس وزيادة دخله.

في الحلقة دي بنستضيف محمد جسرها مؤسس Roboost، الصيدلي اللي بدأ في صيدلية والده لحد ما بنى SaaS بيشغّل ويتابع ويقيّم آلاف مندوبين التوصيل ويدير اكتر من ٥ مليون أوردر شهريًا. هتعرف إزاي عملوا الـproduct في ٦ شهور و واجهوا حرب مع المندوبين لحد ما حوّلوا خدمة التوصيل لنظام شغال بدقة و بدون تدخل بشري. وإزاي قللوا وقت التوصيل لعملائهم بـنسبة ٥٠-٦٠٪ و زوّدوا إنتاجيتهم ٢٠٠٪ من غير جنيه تسويق.

في الحلقة دي نستضيف محمد المصري، مؤسس شريك لTactful، واللي قدر يبني منتج محلي ينافس عالميًا ويوصل لعملاء في الخليج وأوروبا من غير ما يصرف على ماركتنج.بنتكلم عن أخطاء بتضيع مجهود سنين، إزاي رضا العميل بقى مصدر نمو، وإزاي تغيير بسيط في التجربة ممكن يرفع مبيعاتك من غير جنيه إعلان.

في الحلقة دي، رانيا أيمن مؤسِسة Entreprenelle بتحكي عن ١١ سنة من الشغل مع رواد الأعمال، من أول فكرة بسيطة لشبكة بتدعم أكتر من ١٥٠ ألف شخص.رانيا بتشارك دروس عملية من أرض الواقع عن أسباب فشل الشركات في بدايتها، إزاي تسعّر شغلك صح، وأهم مهارات لأي صاحب بزنس محدش حيعلمهالكوفي الآخر، بتتكلم عن وجهة نظر مختلفة في تمكين السيدات وليه كمان تمكين الرجالة جزء مهم من المعادلة

الحلقه دي بنتكلم عن أول ناس لازم تعيّنهم في فريق التسويق الرقمي بتاعك أياً كان مجالك وأياً كانت ميزانيتك وإزاي تختار الناس دول صح عشان تتطلع أحسن نتايج في أقل وقت بأقل فلوس وأقل مجهود

محدش بيفتح الايميلات التسويقية؟ وبقى شائع بس استخدام الواتساب والانستجرام؟ في الحلقة دي بنستضيف أحمد العشري بنناقش مدى تأثير الEmail Marketing على المبيعات ازاي تبني علاقة حقيقية مع عملائك تخليهم يخشوا يشتروا، وخصوصاً في مواسم مثل "البلاك فرايدي" زي براند مشهور جدا خلص مخزونه كله بالايميلات فقط

في الحلقة دي بنناقش طرق فعّالة ومتجربة تقدر تعرف بيها "تتعلم ايه؟" خصوصا في الوقت الحالي وفي عالم مليان بالفرص والمعلومات.من غير ما تضيّع شهور من عمرك في البحث عن المجال اللي تتعلمه، ده مش هياخد منك أكتر من أسبوع!

ضيفنا في الحلقة دي هو طارق مجدي، مؤسس منصة وفرها اللي وصلت لأكتر من 6 مليون مستخدم، وبتتعامل مع 1000 تاجر، واكتر من 700,000 نقطة دفع! في الحلقة دي، طارق هيحكيلنا: الفكرة جت ازاي؟ بداية من مشروع تخرج لحد ما تطورت لشركة ناجحة. إزاي بنوا ثقة مع التجار والزبائن. إزاي بدأوا من غير تمويل وواجهوا الرفض في البداية، لحد ما حققوا شراكات كبيرة! تجربة التوسع في السعودية، وإزاي اتعلموا من السوق المصري علشان يوصلوا هناك. إدارته مع زوجته كـCo-founder بين الشغل والحياة الشخصية. نصايح عملية في الـPartnerships وإزاي تتعامل مع الشركات الكبيرة باحترافية. Tarek Magdy Linkedin: https://www.linkedin.com/in/tarek-magdy-37416758/?originalSubdomain=eg

ضيفنا في الحلقة دي هو د. وليد صدقي، اللي بدأ حياته بدراسة الطب، لكن قرر يغير مساره تمامًا ويدخل عالم الـ FinTech، ويؤسس واحدة من أهم شركات المدفوعات الرقمية في مصر اللي وصلت انها تنافس دوليًا! في الحلقة دي هنتكلم عن: - الانتقال من الطب لـ التكنولوجيا المالية.. إزاي؟ وإيه اللي خلاه ياخد القرار؟ - تحديات التوسع الدولي وإزاي خططوا يخشوا 18 دولة منهم 10 قدروا يبنوا ليهم أنظمتهم من الصفر! - أمان البطاقات الائتمانية.. إيه حقوقك لو اتهكرت بطاقتك؟ وهل الفلوس هترجع؟ - مشكلة الديون والاستهلاك الزائد.. إزاي التقسيط السهل بيخليك تقع في فخ الديون؟ - الاستثمار والتمويل.. ليه "فلوس العميل" أهم من أي مستثمر؟ وإزاي بدأوا يحققوا أرباح في ٦ شهور بس؟ - الدهب vs العقار.. إيه الأفضل للاستثمار؟ وهل فعلاً في ناس كسبت 3 أضعاف استثمارها في 6 شهور؟ Paysky Instagram account: https://www.instagram.com/payskyinc/?hl=en Paysky Linkedin account: https://www.linkedin.com/company/paysky/

في الحلقة دي بنناقش 5 خطوات فعالة عن ازاي تحمي نفسك من خطر الAI و ازاي تقدر تخلي الشركة متستغناش عنك!

في الحلقة دي بنستضيف أحمد حمودة مؤسس شركة Thndr.. شركة سهلت الاستثمار على كل الناس مهما كان شغلهم وسنهم ودخلهم. في الحلقة دي بنناقش:بدايات Thndr في السوق وازاي قدروا يوصلوا لمستثمرين أجانب والتحديات اللي واجهتهم عشان يكبروا.إزاي أحمد حمودة خطط إنه يسيب منصبه الكبير كمدير عام لأوبر في مصر ويتوجه انه يفتح البيزنس بتاعه. أهم العوامل اللي بتنجّح شركات الخدمات المالية.أحسن وقت تستثمر فيه وأحسن طريقة للاستثمار للأفراد.

في الحلقة دي ضيفنا هو كريم طاحون مؤسس The Garments Group. كريم بيشاركنا تفاصيل في نمو البيزنس قدر يتعلمها على مدار سنين وحابب يوفّر على الناس الوقت ده ويشاركهم الخلاصة.هنتعرف أكتر على طرق إدارته ل ٢ براندز منهم واحد Luxury وازاي قدر يبيع ب٢ ونص مليون جنيه في نص ساعة!

- بعد فلترة أكتر من ٣٠٠٠ أبليكيشن - هو ده الموظف اللي تم تعينه