Paula Tomé: “Non temos por que sentir vergoña ou ser rexeitados por ter unhas experiencias psíquicas diferentes"

Agora que se cumpriu un ano dende que a COVID-19 paralizase as nosas vidas, queremos poñer o foco na saúde mental que, en maior ou menos medida, todos e todas vimos afectada nestes últimos meses. Para este motivo, facémonos eco desta entrevista a Paula Tomé, integrante da Coordinadora Galega de Saúde Mental e activista contra a estigmatización das persoas diagnosticadas, realizada polas compañeiras do podcast “Castañas No Verán”. Nesta peza, Sofía Camaño conversa coa activista, entre outras cousas, sobre a importancia da linguaxe no proceso de desestigmatización, sobre a busca do empoderamento do colectivo a través do movemento “Orgullo Tolo” e tamén sobre o proxecto Radio Prometea, un programa emitido en CUAC FM e que busca dar ás persoas diagnosticadas un espazo onde expresarse fóra do ámbito clínico.