O Teleclube, 01x15: "Inside Out 2"

O último episodio da primeira temporada de "O Teleclube" xa está aquí! Desta volta, volvemos unha vez máis ao mundo dentro da cabeza de Riley para saber que acontece cando alcanzamos a adolescencia. Riley xa non é unha nena e ás súas emocións primarias (Alegría, Tristeza, Noxo, Ira e Medo) únense outras un pouquiño máis complexas de manexar. Que acontece cando a protagonista de "Do Revés 2" se dá conta de que non pode ser perfecta? Kelsey Mann colle os mandos desta secuela de Pixar, que segue profundizando dun xeito riquiño, pero moi acertado, na psique humana. Queres saber que nos pareceu? Xa tes aquí o décimo quinto episodio de "O Teleclube", onde falamos de "Inside Out 2". Veste con nós a unha nova sesión de cine?